बेनी अस्पतालमा फिजियोथेरापी सेवा थपियो

Gandaki Pardesh notice

बेनी, । म्याग्दीको बेनी अस्पतालले जिल्लामै पहिलो पटक फिजियोथेरापी सेवा शुरु गरेको छ ।
जिल्लाकै सरकारी अस्पतालमा फिजियोथेरापी सेवा उपलब्ध भएपछि बिरामीहरुलाई राहत मिलेको छ । बेनी अस्पतालका निमित्त अञ्ज थापाले आइतबारदेखि फिजियोथेरापी सेवा सञ्चालन भएको जानकारी दिनुभयो ।
फिजियोथेरापीबाट हड्डी खिइएको, नसा च्यापिएको, मांसपेशी दुख्ने, झमझमाउने, लुलो हुने, प्यारालाइसिस, जन्मदाँ नै असाधारण भएका बालबालिका, हातखुट्टा नचल्ने सम्बन्धी रोगहरुको उपचार हुन्छ ।
अस्पतालको निर्माणाधिन भवनको भुई तलामा छुट्टै कोठामा फिजियोथेरापी कक्ष स्थापना भएको छ । चार वटा शैया राखिएको छ । अस्पतालमा दैनिक ५ देखि १५ जना सम्म फिजियोथेरापी गर्नुपर्ने बिरामी आउने गरेका छन् ।
गण्डकी प्रदेश सरकारको सहयोगमा फिजियोथेरापी सेवाका लागि आवश्यक उपकरण खरिद गरिएको थियो । फिजियोथेरापीका उपकरण खरिद गर्न प्रदेश सरकारले रु. आठ लाख बजेट बिनियोजन गरेको थियो ।
अस्पताल व्यवस्थापन समितिले फिजियोथेरापिष्ट चिकित्सक कान्ती लक्ष्मी देवी कटुवाललाई नियुक्त गरेको छ । पछिल्लो समय बिरामीको संख्या बढेसँगै फिजियोथेरापी सेवा विस्तार गरिएको बेनी अस्पताल व्यवस्थापन समितिका अध्यक्ष ज्ञानेन्द्र सुवेदीले बताउनुभयो ।
फिजियोथेरापी सेवा लिन यसअघि म्याग्दीका बासिन्दाहरु पोखरा, बागलुङ, काठमाडौ जाने गरेका थिए । बेनीमै सेवा पाउने भएपछि जिल्ला बाहिर जादाँ हुने समय र रकमको बचत भएको छ ।
म्याग्दीका साथै छिमेकी जिल्ला पर्वत, बागलुङ र मुस्ताङका सर्वसाधारणले सेवा लिने बेनी अस्पतालले पछिल्लो समय विशेषज्ञ सेवा विस्तार गरेको छ । साउन यता फिजियोथेरापीका अलावा जेष्ठ नागरिक उपचार कक्ष (जेरियाट्रिक वार्ड), अत्याधुनिक एक्सरे, सामाजिक सुरक्षा इकाईको सेवा थप गरेको अस्पतालले छिट्टै मानसिक रोग उपचार सेवा शुरु गर्ने तयारी गरेको छ ।

Bhautik ministry notice about road

अस्पतालले अन्तरंग र बहिरंग विभागका अलावा शल्यक्रिया मार्फत प्रसुति, एपेन्डिसाइटिस, हर्नियाको उपचार, हाडजोर्नी, दन्त, आँखा, बच्चा उपचार कक्ष, हिंसा प्रभावितहरुका लागि अल्पकालिन सेवा केन्द्र, डायलाइसीस सेवा सञ्चालन गर्दै आएको छ । मृगौला रोग सम्बन्धी समस्या भएका १९ जनाले डायलाइसीस सेवा लिएका छन् ।

सामाजिक सेवा इकाई मार्फत लक्षित समुदायको सहुलियत र निशूल्क उपचार सेवा दिइएको छ । स्वास्थ्य तथा जनसंख्या मन्त्रालयले उपलब्ध गराएको रु. एक करोड ५० लाख मूल्य बराबरको डिजिटल एक्सरे मेसिन प्रयोगमा ल्याएको अस्पताल परिसरमा अक्सिजन पलान्ट सञ्चालनमा छ । ५० शैया क्षमताको अस्पतालले १५ शैयाकै संरचना र पूर्वाधारबाट ७६ शैयाको सेवा दिएको छ ।

Naresh Mobile
प्रतिक्रिया दिनुहोस
Loading...