ताकम, । नेपाल रेडक्रस सोसाइटी ताकम उपशाखाको २० औ साधारणसभा तथा अधिवेशन शनिबार सम्पन्न भएको छ ।
अधिवेशनबाट २ वर्षे कार्यकालका लागि छवीलाल सुवेदीको सभापतित्वमा ११ सदस्यीय उपशाखाको कार्यसमिति चयन भएको छ । उपसभापतिमा निलकुमारी भण्डारी, सचिवमा रुपा केसी, कोषाध्यक्षमा ओमप्रसाद केसी, उपसचिव गोपाल आचार्य र सहकोषाध्यक्ष किरन थापा रहनुभएको छ ।
धवलागिरी गाउँपालिकाका अध्यक्ष प्रेमप्रसाद पुनको प्रमुख आतिथ्यतामा सम्पन्न कार्यक्रममा वडा अध्यक्ष अशोक खत्री, रेडक्रसका जिल्ला सभापति अमर बानिया, कोषाध्यक्ष बिष्णु रोका, मोतिराज गौतम, शिव बानिया लगायतको आतिथ्यता रहेको थियो ।
उपशाखाका सभापति यामबहादुर केसीको अध्यक्षता, तुलसीनाथ सुवेदीको सञ्चालन र निलकुमारी भण्डारीको स्वागतमा सम्पन्न कार्यक्रममा गंगाधर सुवेदी र भिमप्रसाद पौडेलले पनि मन्तब्य व्यक्त गर्नुभएको थियो ।
