बेनी, । म्याग्दीको बेनी नगरपालिकाको उत्कृष्ट प्रतिक चिन्ह (लोगो) डिजाइन गर्नेलाई रु. पच्चिस हजार हजार नगद पुरस्कार प्रदान गरिने भएको छ ।
नगरपालिकाले फागुन ३० गते एक सार्वजनिक सूचना जारी गरेर मूल्याङ्कन समितिबाट उत्कृष्ट ठह्याइएको लोगोको डिजाइनकर्तालाई पुरस्कार स्वरुप रु. पच्चिस हजार र सम्मान पत्र प्रदान गरिने जनाएको छ ।
प्रमुख प्रशासकीय अधिकृत धोलकराज ढकालले बेनी नगरपालिकाको भूगोल, जनजीविका, ऐतिहाँसिक, धार्मिक, सांस्कृतिक एवम् अन्य विशिष्ट पहिचान झल्किने गरी प्रतिस्पर्धात्मक विधिबाट प्रतिक चिन्ह लोगो बनाउन लागिएको बताउनुभयो ।
फागुन २९ गतेको कार्यपालिकाको बैठकको निर्णय अनुसार ३० गतेदेखि १५ दिनभित्र लोगो डिजाइन गरी इकपी खामबन्दी गरेर कार्यालयमा पेश गर्नुपर्ने सूचनामा उल्लेख छ । विभिन्न १० वटा सर्तभित्र रहेर लोगो डिजाइन गर्न नगरपालिकाले आग्रह गरेको छ ।
