गलेश्वरमा यसपालीको शिवरात्रीमा चार लाख ३५ हजार भेटि संकलन भयो

Add Samajik bikash office

बेनी । म्याग्दीको बेनी नगरपालिका–९ गलेश्वरमा महाशिवरात्रीमा एकै दिन रु. चार लाख ३५ हजार भेटि संकलन भएको छ ।

महाशिवरात्रि पर्वको अवसरमा शनिबार गलेश्वर दर्शन र पुजाआजाका लागि आएका भक्तजनले चढाएको भेटि आइतबार गनेर सार्वजनिक गरिएको हो । गलेश्वर शिवालय क्षेत्र विकास कोषका सदस्य सचिव बलबहादुर खत्रीले महाशिवरात्रीका दिन रु. चार लाख ३५ हजार ३७ भेटि संकलन भएको जानकारी दिनुभयो ।

“कोषका पदाधीकारी, प्रहरी र जनप्रतिनिधीको रोहबरमा भेटि गनिएको हो,” उहाँले भन्नुभयो “संकलित भेटि कोषको खातामा जम्मा हुन्छ ।” गत बर्षको महाशिवरात्रीमा गलेश्वरमा रु. तीन लाख ५० हजार र अघिल्लो वर्ष तीन लाख ६८ हजार भेटि संकलन भएको थियो ।

Shreekrishna hardwear in news
Bhautik ministry notice about road

म्याग्दी, पर्वत, बागलुङ, कास्की, चितवन लगायतका जिल्लावाट महाशिवरात्रि पर्वको मेला भर्न ३० हजार जना भक्तजन आएका गलेश्वर शिवालय क्षेत्र विकास कोषका अध्यक्ष माधवप्रसाद रेग्मीले बताउनुभयो ।

शिवरात्रीको अवसरमा शनिवार राती महावक्ती बालिएको थियो । कालीगण्डकी नदी किनारको नौ रोपनी क्षेत्रफलमा फैलिएको चट्टानमा फैलिएको गलेश्वरमा महाशिवरात्री, बालाचर्तुदर्शी र साउन महिनाको सोमबारका दिन बिशेष मेला लाग्ने गर्छ ।

गलेश्वरधामलाई हिन्दु तथा बौद्ध धर्मावलम्बीहरुको साझा तिर्थ स्थल मुक्तिनाथको प्रवेशद्धारका रुपमा चिनिन्छ । द्धापरयुगमा सतिदेबी गला पतन भएकाले गलेश्वर नाम रहन गएको यस स्थानमा दर्शन र पुजाआजा गरेमा सुख, शान्ति, सम्बृद्धि र मनोकामना पुरा हुने विश्वास छ ।
गलेश्वर मन्दिरमा भक्तजनले चढाएको भेटि पुजारी, कर्मचारीको तलव, संस्कृत विद्यालय, जेष्ठ नागरिक आश्रम सञ्चालन र पुर्वाधार निर्माणमा परिचालन हुदै आएको छ । भेटी, महायज्ञबाट संकलन तथा तीर्थयात्रीले दिएको दानबाट पछिल्लो १२ वर्षको अवधिमा करिब दश करोड रुपैयाँको लागतमा विभिन्न भौतिक पूर्वाधार निर्माण भएको छ ।

Gandaki dadelo notice
प्रतिक्रिया दिनुहोस
Loading...