प्रेस चौतारीको स्थापना दिवसमा फलफुल वितरण

Add Samajik bikash office

बेनी,। चौतारी नेपालको २५ औ स्थापना दिवसको अवसरमा आइतबार बेनी अस्पतालका बिरामीहरुलाई फलफुल वितरण गरेको छ ।

प्रेस चौतारीको जिल्ला शाखाको आयोजनामा अस्पतालमा उपचाररत विभिन्न १८ जना बिरामीहरुलाई स्याउ, केरा, अङ्गुरलगायत फलफुलहरु वितरण गरिएको थियो ।

कार्यक्रममा नेकपा एमाले म्याग्दीका उपसचिव तथा प्रचार विभाग प्रमुख राजकुमार थापाले जिल्लामा निर्माणाधीन तथा अधुरा योजनाहरुको निर्माणकार्य पुरा गर्नका लागि आफूले सम्बन्धित निकायमा पहल गरिरहेको जानकारी दिनुभयो ।

Shreekrishna hardwear in news
Bhautik ministry notice about road

बेनी अस्पताल व्यवस्थापन समितिका अध्यक्ष ज्ञानेन्द्र सुवेदीले ५० शैया क्षमताको भवन निर्माणमा भएको ढिलाईले सेवा प्रवाहमा असर परेको विषयमा चौतर्फी दवाव सिर्जना गराउनुपर्ने बताउनुभयो ।

प्रेस चौतारी नेपालका केन्द्रीय सदस्य एवं गण्डकी प्रदेश सह–इन्चार्ज प्रकाश पौडेलले प्रेस चौतारी नेपाल श्रमजीवी र क्रियाशील पत्रकारहरुको साझा सङ्गठन भएको बताउनुभयो ।

प्रेस सेन्टर म्याग्दीका अध्यक्ष कमल खत्रीले जिल्लामा क्रियाशील पत्रकार तथा सञ्चारकर्मीहरुको बीचमा व्यावसायिक एकता रहेको बताउनुभयो ।

प्रेस चौतारी म्याग्दी शाखाका अध्यक्ष प्रताप बानियाँको अध्यक्षता र स्वागत तथा सचिव अमित विश्वकर्माको सञ्चालनमा कार्यक्रम सम्पन्न भएको थियो ।

Gandaki dadelo notice
प्रतिक्रिया दिनुहोस
Loading...