बेनी, म्याग्दीको धवलागिरी गाउँपालिका–३ फलीयागाउँका एक व्यक्तिले दाउरा प्रहार गरेर बुहारीको हत्या गरेका छन् ।
५३ वर्षीय इन्द्रबहादुर भण्डारीले दाउरा प्रहार गर्दा उनकी बुहारी २८ वर्षीया अनिता रानाको मृत्यु भएको जिल्ला प्रहरी कार्यालयले जनाएको छ ।
सामान्य विवाद हुँदा इन्द्रबहादुरले प्रहार गरेको दाउराले लागेर घाइते भएकी अनितालाई बेनी अस्पतालमा ल्याउँदा चिकित्सकले मृत घोषणा गरेका प्रहरी निरीक्षक राजन ढकालले बताए ।
‘इन्द्रबहादुरलाई नियन्त्रणमा लिएर अनुसन्धान र कानुनी कारबाहीको प्रक्रीया अघि बढाइएको छ,’ उनले भने ‘अनिताको शव परिक्षणका लागि बेनी अस्पतालको शवगृहमा राखिएको छ ।’
बिहान १०ः५० को समयमा ससुरा बुहारीबिच बिवाद हुँदा इन्द्रबहादुरले दाउरा प्रहार गरेका थिए । अपराहन्न बेनी अस्पताल ल्याइएको थियो ।
