![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । पोखरामा भएको जहाज दुर्घटनामा दिवंगत भएका नेपाल पत्रकार महासंघका केन्द्रिय सदस्य त्रिभुवन पौडेल र पत्रकार अनिल शाहीको स्मृतिमा सोमबार बेनीमा शोकसभा गरिएको छ ।
नेपाल पत्रकार महासंघ म्याग्दी शाखाको आयोजनामा आइतबार भएको जहाज दुर्घटनामा ज्यान गुमाएका पौडेल र शाही लगायत मृतकहरुको स्मृतिमा शोकसभा गरिएको हो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
काठमाडौंबाट पोखरा आउदै गरेको यति एयरलाइन्सको नाइनएन एएनसी एटिआर–७२ विमान पोखरा अन्तराष्ट्रिय विमानस्थल नजीक अवतरणको प्रक्रियामा अचानक सेतीको खोँचमा खसेर दुर्घटना पत्रकार महासंघका केन्द्रिय सदस्य पौडेल र शाही लगायत ७२ जनाको निधन भएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
सभामा सहभागी पत्रकारहरुले स्वर्गीय पौडेलको तस्विरमा पुष्पगुच्छा अर्पण र शोकपुस्तिकामा हस्ताक्षर गर्नुभएको थियो । दिवंगतको आत्माको चिरशान्तिको कामना सहित भावपूर्ण श्रद्धाञ्जली र शोकसन्तप्त परिवारजनमा समवेदना प्रकट गरिएको थियो ।
पौडेलको स्मृतिमा शाखाको बेनी स्थित कार्यालयमा १३ दिनसम्मका लागि शोकपुस्तिका राखिएको छ । पत्रकार महासंघ म्याग्दी शाखाका अध्यक्ष प्रकाश पौडेलको अध्यक्षतामा भएको कार्यक्रममा शाखाका पदाधीकारी, सदस्य, सल्लाहकार र विभिन्न संगठनका प्रतिनिधिहरुको सहभागिता थियो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)