मिलनचोक, । जलजला गाउँपालिका ४ मोहनचोकमा माघ ८ गतेदेखि मिलनचोक÷मोहनचोक कप खेलकुद प्रतियोगिता सञ्चालन हुने भएको छ ।
मिलनचोक युवा क्लवले आयोजना गरेको प्रतियोगिताको तयारी तिब्र पारिएको हो । माघ १३ गतेसम्म फाइभ ए साइड फुटबल, प्रौढ भलिबल लगायत खेल प्रतियोगिता सञ्चालन गरिने कार्यक्रम संयोजक रामकुमार पौडेल (आर.के)ले जानकारी दिनुभयो ।
प्रतियोगितामा बिजेता र उपविजेताले ट्रफी, मेडल र प्रमाणपत्र सहित नगद रु. ५० हजार ५५५ र रु. ३० हजार ३३३ पुरस्कार पाउने भएका छन् । प्रौढ भलिबल प्रत्योगितामा बिजेता टिमले खसी र प्रमाणपत्र उपबिजेता टिमले २ वटा भाले र प्रमाणपत्र पुरस्कार पाउनेछ्न ।
कार्यक्रम रोचक खेलहरु महिला पेनल्टि सुटआउट प्रत्योगिता, भाले छुने प्रतियोगिता, महिला चम्चा दौड प्रत्योगिता, महिला पुरुष लठो तान्ने प्रयोगिता आयोजना गरि आकर्षक पुरस्कारको व्यवस्था गरेको पौडेलले बताउनु भयो ।
खेलकुदको विकास गर्ने उद्देश्यसहित आयोजना गरिएको प्रतियोगिता खेलाडीको परिचय आत्मियता, स्वस्थको लागि पनि खेल खेल्नुपर्छ र खेलमार्फत नै समाज राष्ट्रलाई चिनाउनको लागि कार्यक्रम आयोजना गरेको उहाले बताउनुभयो । टिम दर्ता आगामी माघ ७ गते साझँसम्म टिम दर्ता गर्न सकिने बताइएको छ ।
