![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, । म्याग्दीको बेनी नगरपालिकाले उपभोक्ता समितिका पदाधीकारीलाई योजना कार्यान्वयन सम्बन्धी अभिमुखीकरण थालेको छ ।
योजना कार्यान्वयनलाई प्रभावकारी, पारदर्शी, दिगो, गुणस्तरीय र जनसहभागितामुलक बनाउन वडागत रुपमा उपभोक्ता समितिलाई अभिमुखीकरण गर्न थालिएको हो ।
बेनी नगरपालिकाका प्रमुख प्रशासकीय अधिकृत धोलकराज ढकालले उपभोक्ता समितिलाई जिम्मेवार, सक्रीय, योजना कार्यान्वयन प्रक्रीयालाई सहज तथा प्रभावकारी बनाउने उद्देश्यले अभिमुखीकरण गर्न थालिएको बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
बेनी नगरपालिकाको वडा नम्बर ५ मा चालु आर्थिक वर्ष २०७९÷८० मा बजेट बिनियोजन भएका योजनाका उपभोक्ता समितिहरुका पदाधीकारीहरुलाई आइतबार अभिमुखीकरण गरिएको थियो ।
![](https://dhaulagirikhabar.com/wp-content/uploads/2023/01/320395649_1509547586179147_5568536187687810377_n-1024x768.jpg)
पुलाचौर स्थित वडा कार्यालय परिसरमा भएको कार्यक्रममा वडा अध्यक्ष गोविन्द बानिया लगायत जनप्रतिनिधि, उपभोक्ता समितिका अध्यक्ष, उपाध्यक्ष र सचिवको सहभागिता थियो । कार्यक्रमको प्रमुख प्रशासकीय अधिकृत ढकाल, योजना अधिकृत कृष्ण सुवेदी, इञ्जिनियर बिमलरञ्जन कार्की र लेखा अधिकृत गोकुल शर्माले सहजिकरण गर्नुभएको थियो ।
२९ गतेको नगरसभापछि बाँकी ९ वटा वडामा क्रमश उपभोक्ता समितिलाई अभिमुखीकरण गरिने नगरपालिकाले जनाएको छ । उपभोक्ता समिति अभिमुखीकरण कार्यक्रमका लागि नगरपालिकाले चालु आर्थिक वर्षमा रु. दुई लाख बजेट बिनियोजन गरेको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)