म्याग्दीमा पोलिटिकल साइन्स सोसाइटी

Sinchai Khanipani notice

बेनी, । म्याग्दीमा पोलिटिकल साइन्स नेपाल (पोस्सान)को जिल्ला शाखा तदर्थ समिति गठन भएको छ ।
शुक्रबार बेनीमा भएको भेलाले हरिप्रसाद पौडेलको अध्यक्षतामा गठन भएको समितिको उपाध्यक्षमा तुल्सी पुर्जा, सचिवमा छवि आचार्य, कोषाध्यक्षमा साधना हमाल चयन हुनुभएको छ । सदस्यहरुमा आशिक भण्डारी, विशाल विक, सुस्मिता बानियाँ, सन्दिप खत्री, सन्दिप वरुवाल, गणेश वानिया चयन हुनुभएको रहेको पोस्सानको केन्द्रिय सदस्य सपना मल्लले जानकारी दिनुभयो ।
पोस्सोनको अध्यक्ष सुब्वा ढुङ्गाना ‘सुवास’को अध्यक्षतामा भएको कार्यक्रममा बेनी नगरपालिका मेयर सुरज केसीले राजनीतिमा अरुलाई नराम्रो भनेर राजनीतिकर्मी बन्ने चलन बढेको बताउनुभयो ।

Bhautik ministry notice about road


‘विरोधको रााजनीतिक सुधार गरेर सकारात्मक राजनीतिको विकास गर्नुपर्छ,’– केसीले भन्नुभयो ‘राजनीति शिक्षा बढाउदै जनप्रतिनिधिले गनुपर्ने कामहरुको पहिचान गनुपर्छ ।’ केसीले बेनीको मेयरलाई काठमाण्डौको मेयरसंग प्रतिस्पर्धी नबनाउन आग्रह गर्नुभयो । काठमाण्डौ र बेनीको आयस्रोत फरक छ । आम्दानीको स्रोत कम हुदाँ जनताको चाहनाअनुसार काम गर्न गाहे हुने बताउनुभयो ।
पृथ्वीनारायण क्याम्पसका राजनीतिशास्त्रका प्रध्यापक डा. गिरधारी दाहालले छलफल पत्र प्रस्तुत गर्दै समयअनुसार जनताको चाहना राजनीति दल र जप्रतिनिधिले बुझ्नुपर्ने बताउनुभयो । जनप्रतिनिधिले जनताको इच्छा चाहन पुरा गर्न स्थानीय स्रोत साधनलाई प्रयोग गरेर आम्दानीको स्रोत बढाउने, रोजगारी सिर्जना लगायतमा प्रयोग गर्नुपर्ने सुझाव दिनुभयो ।

Shreekrishna hardwear in news


धौलागिरी बहुमुखी क्याम्पसका प्रध्यापक दिल्लीराम गौतमले राज्यको नीतिमा जनप्रतिनिधि प्रष्ट भएमा काम गर्न सजिलो हुने बताउनुभयो । जनप्रतिनिधिको भूमिकामा सकारात्मक सोच र धारण भएको ब्यक्ति आएपछि समृद्ध समाज बनाउन सहज हुने धारणा ब्यक्त गर्नुभयो ।
क्याम्पसका प्रध्यापक बरिष्ठ अधिवक्ता माधवप्रसाद बास्तोला, सहप्रध्यापक भिमनाथ पराजुली, अधिबक्ता चिरञ्जीवि शर्मा लगायतले राजनीति मूल्य मान्यता थाहा नभएको ब्यक्ति कुर्चिमा पुग्दा जनताको चाहनाअनुसार काम हुन नसकेको धारणा राख्नुभयो । राजनीति संस्कार बुझेको ब्यक्ति नेतृत्वमा पुगेमा जनताको चाहना काम हुने मन्तव्य उहाँहरुको राख्नुभएको थियो । अन्तरक्रियामा उपस्थितले राजनीतिलाई सफा राख्न आन्तरिक लोकतन्त्र सुधारनुपर्ने सुझाव दिनुभएको थियो ।
पोखरा पृथ्वीनारायण क्याम्पसमा राजनीति शास्त्र विभागमा अध्यापन गराउने प्रध्यापक र अध्ययन गर्ने विद्यार्थीहरुले राजनीतिप्रतिको सोचाईलाई फराकिलो बनाउने उद्देश्यले जनप्रतिनिधि र बौद्धिक बर्गको उपस्थितमा अन्तरक्रिया तथा छलफल गर्नुभएको थियो ।

Naresh Mobile
प्रतिक्रिया दिनुहोस
Loading...