![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको बेनी नगरपालिका–८ मा बुधबार ढिस्कोले पुरिएर एक जनाको मृत्यु भएको छ ।
म्याग्दी बहुमुखी क्याम्पसको नयाँ भवन निर्माणमा स्थलमा खसेको ढिस्कोले पुरिएर अन्नपूर्ण गाउँपालिका–६ घारका ४५ वर्षीय कृष्ण बरुवालको मृत्यु भएको जिल्ला प्रहरी कार्यालयले जनाएको छ । प्रहरी नायव उपरीक्षक तिलक भारतीका अनुसार भवन निर्माणका लागि खनिएको जगको नाँपजाँच गर्न पुगेका बरुवाललाई ढिस्कोले पुरेको थियो ।
स्थानीयवासी र प्रहरीले डोजरको सहायताले ढिस्को पन्छाएर उद्धार गरि बरुवाललाई उपचारका लागि बेनी अस्पतालमा लगिएको थियो । अस्पताल पु¥याउँदा मृत घोषणा गरेका थिए । बरुवाल उत्तरगंगा निर्माण सेवाका सञ्चालक हुनुहुन्छ ।
ठेक्का लिएको योजनाको काम समयमै सम्पन्न गर्ने सिमित निर्माण व्यवसायी मध्यमा बरुवाल पर्नुहुन्थ्यो । बरुवाल नेपाली काँग्रेसको अन्नपूर्ण गाउँपालका वडा नम्बर ६ को वडा ईकाई समिति सभापति समेत हुनुहुन्थ्यो । बरुवालको निधनले घार गाउँ शोकमा डुबेको स्थानीयबासीले बताएका छन् ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
![](https://dhaulagirikhabar.com/wp-content/uploads/2022/12/Krishna-baruwal.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)