![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
साजन परियार
बेनी । ३१ औ अन्तराष्ट्रिय अपाङ्ग दिवस पारेर पर्वतको जलजला गाउँपालिकाका जनप्रतिनिधि न्यानो कपडा लिएर अपाङ्गता भएका नागरिकको घरदैलो अभियानमा निस्किएका छन् ।
गाउँपालिकाका उपाध्यक्ष दिपक आचार्य (आकाश)को टोलीले (क) बर्गका अपाङ्गलाई घरमै पुगेर न्यानो कपडा वितरण गर्न शुरु गर्नुभएको हो । शनिबार वडा नम्बर ६ र ७ का ८ जना क बर्गका अपाङ्गलाई घरमै पुगेर न्यानो कपडा वितरण गरेको उपाध्यक्ष आचार्यले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
गाउँपालिकाका महिला तथा बालबालिका शाखाका प्रमुख बिन्दु शर्माले अन्य वडाका क बर्गका अपाङ्गलाई पनि घरमै पुगेर घेटघाट गरी न्यानो कपडा उपलब्ध गराउने कार्यक्रम रहेको बताउनुभयो । औपचारिक कार्यक्रम गरेर कुनै एक ठाउँमा भेला गराउन लक्षित बर्गलाई सास्ती हुने भएकाले उनिहरुलाई घरमै गएर भेट्ने, अवस्था, समस्या बुझ्नका लागि घरदैलोमा पुग्ने कार्यक्रम बनाएको गाउँपालिकाले जनाएको छ ।
![](https://dhaulagirikhabar.com/wp-content/uploads/2022/12/Jaljala-apanga-1-1024x768.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)