बेनी । म्याग्दी, प्रदेशसभा क्षेत्र (ख)का स्वतन्त्र उमेद्वार देवेन्द्र फगामी चुनाव प्रचारप्रसारमा व्यस्त हुनुहुन्छ ।
पानीको धारा चुनाव चिन्ह पाएका फगामीले प्रदेशसभाको क्षेत्र ख मा पर्ने मंगला, मालिका र धवलागिरी गाउँपालिकाको विभिन्न ठाउँमा पुगेर घरदैलो गरि मतदाता भेटघाट गरेको बताउनुभयो ।
“सबैले भौतिक विकासलाई मात्र प्राथमिकता दिए मेरो मुद्दा भनेको पहिले सामाजिक र आर्थिक परिवर्तन हुनुपर्छ भन्ने हो,” उहाँले भन्नुभयो “राजनीतिले विभाजित गरेको समाजलाई जोड्न स्वतन्त्र उमेद्वार बनेको हो ।”
भ्रष्ट्राचारको अन्त्य गरि सुशासन कायम गर्न सकेमा नेपालमा विकास स्वत हुने फगामीको भनाई छ । मालिका गाउँपालिका–५ देविस्थानका ३३ वर्षीय फगामी बेनीमा व्यवसाय गर्दै आउनुभएको छ ।
नेपाल मगर विद्यार्थी संघ म्याग्दीको एक कार्यकाल जिल्ला अध्यक्ष रहेका फगामी संघको सचिवालय सदस्य हुनुहुन्छ ।
