![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, काठमाडौमा बसोबास गर्ने धवलागिरी गाउँपालिकावासीहरुले अक्षयकोष स्थापनाका लागि देउसीभैलो खेलेर करिब रु. १२ लाख जुटाएका छन् ।
धवलागिरी गाउँपालिका समाजले रु. एक करोडको अक्षयकोष स्थापना गर्ने लक्ष्य सहित तिहार पर्वको अवसरमा काठमाडौमा देउसीभैलो खेलेको हो । समाजका अध्यक्ष लिलबहादुर पुनले काठमाडौमा सोमबार भएको देउसीभैलो तथा सम्मान कार्यक्रममा रु. ११ लाख ६५ हजार ३७५ संकलन भएको जानकारी दिनुभयो ।
“काठमाडौमा बसोबास गर्ने धवलागिरी गाउँपालिकाको ७ वटै वडाका वासिन्दा समाजमा आवद्ध भएका छौ,” उहाँले भन्नुभयो “पालिकाको सामाजिक क्षेत्रमा योगदान गर्ने उद्देश्यले अक्षयकोष बनाउन लागेका हौ ।”
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
काठमाडौमा धवलागिरी गाउँपालिकाका २५० घरधुरी रहेकोमा देउसीभैलो कार्यक्रममा १२९ घरधुरीका प्रतिनिधीको उपस्थिति थियो । जेष्ठ नागरिक नरबहादुर थापा र प्रा.डा. लोकेन्द्र शेरचनले कार्यक्रमको उद्घाटन गर्नुभएको थियो ।
![](https://dhaulagirikhabar.com/wp-content/uploads/2022/10/SG_Myagdi-dhaulagiri-gaupalika-samaj-deausi-bhailo-17-1024x683.jpg)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
लोकगायक खड्ग गर्बुजा, कृष्ण कडेल, निता पुन लगायत कलाकारको उपस्थितिमा कार्यक्रम गरिएको थियो । पेशा, व्यवसाय र रोजगारीको शिलशिलामा हाल काठमाडौमा बसोवास गर्दै आएकाहरुले वि.स. २०७७ मा संस्था स्थापना गरेका थिए ।
कोषबाट आर्जित व्याजबाट धार्मिक, सामाजिक, सांस्कृतिक संरक्षण तथा सम्वर्धन र प्रतिभा प्रोत्साहनमा टेवा पुग्ने मनोरञ्जनात्मक कार्यक्रमहरु गरी संस्थामा आवद्ध सदस्यहरु तथा धवलागिरीमा जन्म भई विभिन्न समस्याहरुमा परेका र आर्थिकरुपले कमजोर व्यक्तिहरुलाई सहयोग गर्ने समाजले जनाएको छ ।
स्वास्थ्य उपचार तथा प्राकृतिक विपत्ति कोषमा रु. पचास लाख, जेष्ठ नागरिक संरक्षण कोषमा २५ लाख र कला, संस्कृति सम्पदा संरक्षण, सम्वर्धन तथा प्रतिभा प्रोत्साहन कोषमा रु. २५ लाख राखिने संस्थाका सचिव यामलाल सुवेदीले बताउनुभयो । जेष्ठ नागरिक संरक्षण कोषबाट काठमाडौमा बस्ने धवलागिरीका जेष्ठ नागरिकलाई घरमै पुगेर स्वास्थ्य परिक्षण सेवा दिने योजना बनाएको छ ।
![](https://dhaulagirikhabar.com/wp-content/uploads/2022/10/SG_Myagdi-dhaulagiri-gaupalika-samaj-deausi-bhailo-21-1024x683.jpg)
![](https://dhaulagirikhabar.com/wp-content/uploads/2022/10/SG_Myagdi-dhaulagiri-gaupalika-samaj-deausi-bhailo-14-1024x683.jpg)
![](https://dhaulagirikhabar.com/wp-content/uploads/2022/10/SG_Myagdi-dhaulagiri-gaupalika-samaj-deausi-bhailo-18-1024x683.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)