![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
ताकम । म्याग्दीको धवलागिरी गाउँपालिका–७ को ऐतिहाँसिक ताकमकोतमा बुधबार महानवमी पर्वको अवसरमा भएको छेलो फाल्ने प्रतियोगितामा मालिका गाउँपालिका–१ खहरेका यामबहादुर परियार विजयी हुनुभएको छ ।
३४ जना सहभागी भएको छेलो फाल्ने प्रतियोगितामा यामबहादुर लगातार दोस्रो पटक विजयी हुनुभएको हो । यामबहादुरले गत वर्षको प्रतियोगितामा पनि सहभागी मध्य सबैभन्दा टाढा छेलो फालेर विजयी हुनुभएको थियो । विजयी यामबहादुरलाई आयोजकले रु. पाँच हजार नगद सहित फेता गुटाएर सम्मान गरेका थिए ।
धवलागिरी गाउँपालिकाका अध्यक्ष प्रेमप्रसाद पुनले विजयी यामबहादुरलाई फेटा गुटाएर सम्मान गर्नुभएको थियो । विजयीलाई बाजा सहित काँधमा बोकेर कोतघर परिसरमा परिक्रमा गराइएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![](https://dhaulagirikhabar.com/wp-content/uploads/2022/10/IMG_7952-1024x683.jpg)
बाइसे चौविसे राज्यका पालामा तत्कालीन थापा राजाले राज्य सञ्चालन गरेको ताकमकोतमा पहलमान पहिचानका लागि हरेक वर्षको रामनवमी पर्वको अवसरमा छेलो फाल्ने प्रतियोगिता आयोजना गरिदै आएको छ । ताकमकोतको छेलो प्रतियोगितामा विजयी हुनेलाई पहलमान घोषणा गर्ने चलन रहेको ताकमकोत पुजा व्यवस्थापन समितिका रुपक सुवेदीले जानकारी दिनुभयो ।
ताकमकोतमा बुधबार महानवी पर्वको अवसरमा पुजाआजा र दर्शनका लागि भक्तजनको घुइचो लागेको थियो । म्याग्दीका साथै देशका विभिन्न ठाउँबाट भक्तजन आएका थिए । ताकमकोतमा पुजाआजा गरेमा मनोकाक्षा पुरा हुने विश्वास छ । भाकल पुरा भएपछि बली दिने चलन रहेको ताकमकोत मन्दिरका पुजारी हेमनाथ पौडेलले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
ताकमकोतमा महानवमीको पुजाका क्रममा मच्छिमका छन्त्याल र काफलडाडाका मगर समुदायले मौलिक पुख्यौली नृत्य प्रस्तुत गरेका थिए । बाजागाजा र ध्वजापटकाले रिँगारिएका लिङ्गा लिएर पञ्चवली दिनेहरु ताकमकोत पुगेका थिए । पुजा व्यवस्थापनका लागि वडा अध्यक्ष अशोक खत्रीको संयोजकत्वमा समिति बनाएर तयारी र व्यवस्थापनको काम गरिएको थियो । यसैगरी ताकमकोतमा निर्माण गर्न लागिएको हनुनमानको मुर्तिको पनि बुधबारनै शिलन्यास गरिएको छ । समुदाय र गाउँपालिकाको सहकार्यमा निर्माण हुन लागेको मुर्तिको गाउँपालिकाका अध्यक्ष प्रेम पुनले शिलन्यास गर्नुभयो ।
ताकमकोत सहित म्याग्दीका शक्तिपिठहरुमा बुधबार भक्तजनको घुइचो लागेको छ । ज्यामरुककोट, भगवति कोत, बेनी कोत लगायतका ऐतिहाँसिक कोतघरहरुमा पुजाआजा र बली चढाउने चलन छ ।
![](https://dhaulagirikhabar.com/wp-content/uploads/2022/10/IMG_7874-1.jpg)
![](https://dhaulagirikhabar.com/wp-content/uploads/2022/10/IMG_7844.jpg)
![](https://dhaulagirikhabar.com/wp-content/uploads/2022/10/IMG_7874-2.jpg)
![](https://dhaulagirikhabar.com/wp-content/uploads/2022/10/IMG_7937.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)