![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । सिटिजन्स लाईफ इन्सोरेन्स कम्पनीको बेनी शाखाले सोमबार मालिका गाउँपालिका–६ दुखुमा बिमा दावी रकम हस्तान्तरण गरेको छ ।
बिमित स्वर्गीय राजकुमारी रोकाका आश्रित परिवारलाई रु. दश लाख ८५ हजार बिमा दावी रकम हस्तान्तरण गरिएको हो । रु. दश लाख बिमांक रकम बराबरको बिमा गर्नुभएकी राजकुमारीले एक पटक मात्रै बिमा शूल्क तिर्नुभएको थियो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
वडा अध्यक्ष पथबहादुर रोका र सिटिजन्स लाईफ इन्सोरेन्स कम्पनीका बेनी शाखा प्रमुख भावना पौडेल सुवेदीले राजकुमारीकी छोरी प्रितिलाई रकम हस्तान्तरण गर्नुभएको थियो । बिमांक रु. दश लाख, एक बर्षको बोनस रु. ३५ हजार र किरिया खर्च वापतको रु. ५० हजार उपलब्ध गराइएको हो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
राजकुमारीका श्रीमानको १९ वर्षअघि निधन भएको थियो । रोकाका एक छोरा, दुई छोरी र वृद्ध अवस्थाका सासु ससुरा हुनुहुन्छ । मृतक रोका सो परिवारको साहरा हुनुहुन्थ्यो । बिमा दावी रकमले रोका परिवारलाई घरव्यवहार चलाउन सहज हुने अपेक्षा गरिएको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)