![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
मल्लाज । पर्वतको जलजला गाउँपालिका–३ मा रहेको मल्लाज साना किसान कृषि सहकारी संस्था लिमिटेडको १८ औ वार्षिक साधारणसभा शनिबार सम्पन्न भएको छ ।
साधारणसभाको उद्घाटन गर्दै जलजला गाउँपालिकाका अध्यक्ष राजुप्रसाद आचार्यले जलजलाको प्रमुख आधार कृषिलाई व्यवसायीकरण मार्फत स्थानीयको आयआर्जन र जिवनस्तर सुधार गर्न सकिने बताउनुभयो ।
उहाँले साना किसान सहकारीको कार्यक्रमले कृषकहरुलाई सहयोग पुगेको बताउदै सहकारीको सेवालाई विस्तार र थप प्रभावकारी बनाउन सुझाव दिनुभयो । कृषि उत्पादनमा प्राथमिकता दिने सहकारीलाई गाउँपालिकाले सहयोग र सहकार्य गर्ने बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
सहकारीका अध्यक्ष शशी शर्मा आचार्यको अध्यक्षता, सदस्य पार्वती खत्रीको स्वागत र सचिव डम्मरबहादुर घर्ति क्षेत्रीको सञ्चालनमा सम्पन्न कार्यक्रममा जलजला–३ का वडा अध्यक्ष एकिन्द्र खत्री, संस्थापक अध्यक्ष टेकनाथ शर्माले मन्तब्य व्यक्त गर्नुभयो ।
एक हजार ५६ जना सदस्य र रु. ९५ लाख ७७ हजार सेयर पुँजी रहेको सहकारीले गत आर्थिक वर्षमा रु. छ करोड ३४ लाख निक्षेप संकलन, रु. नौ करोड ४ लाख कर्जा लगानी गरेको प्रबन्धक सनिता कार्कीले जानकारी दिनुभयो ।
पशुपालन र स्वाबलम्बन शिर्षकको कर्जामा ९ प्रतिशत ब्याजदरमा लगानी गरेको संस्थाले गत वर्ष रु. ४९ लाख मुनाफा गरेको छ । रु. दुई करोड १२ लाखको जगेडा कोष बनाएको छ । १०० जना सदस्यहरुलाई विना धितो करिब रु. एक करोड सामुहिक जमानीमा लगानी गरेको छ । जलजलाको १, २, ३, ४ र ५ नम्बर वडामा मल्लाज साना किसान सहकारीले सेवा पु¥याउदै आएको छ ।
![](https://dhaulagirikhabar.com/wp-content/uploads/2022/09/Sana-Kisan-Sahakari-1024x768.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)