![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, । म्याग्दी जिल्ला भित्र्ने प्रमुख नाका कालीपुल बसपार्कमा यात्रु सहायता कक्ष सञ्चालन भएको छ ।
जिल्ला प्रहरी र ट्राफिक प्रहरी कार्यालयले शुक्रबार स्थापना गरेको सहायता कक्षको प्रमुख जिल्ला अधिकारी चिरञ्जिवी रानाले उद्घाटन गर्नुभयो ।
दशै, तिहार, छठ लगायत चाडपर्वमा समस्या तथा अलपत्र परेका यात्रुलाई गन्तब्यमा पुग्न सघाउने, ठगी नियन्त्रण र दुर्घटना न्युनीकरणका लागि सहायता कक्ष स्थापना गरेको ट्राफिक प्रहरी कार्यालयका प्रहरी सहायक निरीक्षक इन्द्रजंग थापाले बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
“यात्रुले गाडी नपाउने, तोकिएको भन्दा बढी भाडा तिर्नुपर्ने, अलपत्र पर्ने समस्या आउन नदिन सहायता कक्षमा नियमित सुरक्षाकर्मी परिचालन गछौ,” उहाँले भन्नुभयो “यात्रुले गर्ने गुनासोको तत्कालै सम्बोधन हुन्छ ।”
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
कालीपुल पर्वत हुदै म्याग्दी भित्र्ने र मुस्ताङ जाने नाकामा पर्छ । यो नाका भएर चाडपर्वको समयमा मुस्ताङ जाने आउने पर्यटक, यात्रु र भक्तजनको पनि चाप बढ्ने गर्छ । प्रहरी नायव उपरीक्षक तिलक भारतीले चाडपर्व लक्षित सुरक्षा योजना कार्यान्वयन थालिएको बताउनुभयो ।
![](https://dhaulagirikhabar.com/wp-content/uploads/2022/09/IMG_7197-1024x683.jpg)
चोरी, ठगी, लुटपाट, कुटपिट नियन्त्रणसँगै दुर्घटना न्युनीकरणका लागि सवारी चेकजाँचमा जोड दिइएको प्रनाउ भारतीले बताउनुभयो । प्रमुख जिल्ला अधिकारी रानाले चाडपर्वसँगै प्रतिनिधी तथा प्रदेशसभा सदस्य निर्वाचनका लागि तयार पारिएको सुरक्षा योजना सरोकारवालासँगको समन्वयमा प्रभावकारी कार्यान्वयन गरिने बताउनुभयो ।
बेनी यातायात प्रा.ली.का महासचिव कुमार थापाले राज्यको नीति नियममा रहेर व्यवसाय सञ्चालन गरेका व्यवसायीले चाडपर्वमा यात्रुलाई सहज र सुरक्षित रुपमा यातायात सेवा उपलब्ध गराउने प्रतिवद्धता जनाउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)