![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, । म्याग्दीको अन्नपूर्ण गाउँपालिका–१ दोवामा बालीको मूल्य र कामदारको ज्याला निर्धारण गरिएको छ ।
वडा भेला मार्फत खाद्यान्न बाली, तरकारी, दलहन र विभिन्न काम गर्ने कामदारको ज्याला निर्धारण गरिएको हो । वडा सचिव मनकुमार गर्बुजाले आइतबार वडा भेला गरेर मूल्य र ज्याला निर्धारण गरिएको जानकारी दिनुभयो ।
बालीको मूल्य र कामदारको ज्यालामा एकरुपता कायम गर्न भेला मार्फत निर्धारण गरिएको हो । हरेक वर्ष गाउँका अगुवाहरुको भेला गरेर मूल्य र ज्याला निर्धारण गर्ने गरिएको छ । कोदोरु. २५०, मकै रु. १७०, फापररु. ३००, सिमी तथा अन्य गेडागुडी रु. ७००, भट्मास रु. ६००, आलु रु. १८० प्रतिपाथीका दरले मूल्य निर्धारण गरिएको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
दूध, दही, मोही, भैसी र गाइको घ्यु, घर, भिर मह, रक्सी र जाँडको पनि मूल्य तोकिएको छ । यसैगरी वाउसे, दाउरा काट्ने र बोक्नेलाई रु. ७००, डकर्मी रु. ७५०, सिकर्मी रु. ९००, गोरु हली सहित सबै रु. एक हजार ५००, पलास्टर तथा ढलान रु. ८०० प्रतिव्यक्ति, प्रतिदिन खाजा सहितको ज्याला कायम गरिएको छ ।
यसैगरी भमेसिन मार्फत दाउरा र घाँस काट्ने रु. ७००, मिनी टेलर मार्फत खेत जोत्ने रु. ७५० प्रतिघण्टा, मेसिन मार्फत काठ काटेको रु. १८, जंगे आरा मार्फत ६ फुटसम्म काठ काटेको रु. २१ र ६ फुटभन्दा बढी काठ काटेको प्रतिइन्च रु. २४ मूल्य तोकिएको वडा कार्यालयले सार्वजनिक गरेको विवरणमा उल्लेख छ ।
![](https://dhaulagirikhabar.com/wp-content/uploads/2022/08/Doba-Rate-724x1024.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)