बेनी । बेनीमा बुधबार वृक्षारोपण गरेर सामुदायिक वन दिवस २०७९ मनाइएको छ ।
डिभिजन वन कार्यालयको आयोजना तथा सामुदायिक वन उपभोक्ता महासंघ जिल्ला समिति र बराहपाखो सामुदायिक वन समूहको सहआयोजनामा वृक्षारोपण गरिएको हो । कल्कीफुल, कपुर, गोलमोहर, तेजपात, वर, समि प्रजातिका १३२ वटा बिरुवा रोपिएको वन डिभिजन वन कार्यालयका प्रमुख मनोज रानाभाटले जानकारी दिनुभयो ।
जिल्ला समन्वय समितिका प्रमुख राजकुमार थापाकोे प्रमुख आतिथ्यतामा भएको कार्यक्रममा प्रमुख जिल्ला अधिकारी चिरञ्जिवी राना, प्रहरी नायव उपरीक्षक तिलक भारती, शसस्त्र प्रहरीका डिएसपी हरिबहादुर गुरुङ लगायतको उपस्थिति थियो ।
सो कार्यक्रममा बराहपाखो सामुदायिक वन उपभोक्ता समूहका अध्यक्ष बिष्णुप्रसाद गौतमलाई वन कार्ययोजना हस्तान्तरण गरिएको थियो । जनप्रतिनिधी, सामुदायिक वन उपभोक्ता महासंघका पदाधीकारी प्रतिनिधी र बराहपाखोका उपभोक्ताहरुको उपस्थितिमा वृक्षारोपण गरिएको थियो ।
