बेनी, पर्वतको जलजला गाउँपालिका १ बाँसखर्कका गोविन्द गर्बुजाको पप गित कसरीको म्युजिक भिडियो सार्वजनिक भएको छ ।
प्रेममा बिछोडको विषयलाई समेटिएको गितको म्युजिक भिडियो जिसी म्युजिक च्यानलको युट्युव च्यानलबाट सार्वजनिक भएको हो । म्युजिक भिडयोमा अञ्जु फगामी र अमृत चेपांगको अभिनय रहेको छ । गर्बुजाको स्वर रहेको गितमा संगित डोलराज बाह्घरेको छ ।
गर्बुजाको यो दोस्रो सांगितिक कोशेली हो । यसअघि उहाँले तिमि बिना बोलको गित बनाउनुभएको थियो । पहिलो गितको सफलतासँगै दोस्रो गित र म्युजिक भिडियो ल्याएको गर्बुजाले बताउनुभयो ।
