धौलागिरि खबर

मालिकाको खटेनमा वायरिङ गरेको दुई वर्षसम्म पनि विजुली बलेन्

Beni Sanjibani

बेनी, म्याग्दीको मालिका गाउँपालिका–३ खटेनमा वायरिङ गरेको दुई वर्षसम्म पनि केन्द्रिय प्रशारण लाइनको बिजुली बलेको छैन् ।

विजुली बल्ने आशामा वायरिङ गरेका खटेनबासीहरु निराश भएका छन् । विद्युतीकरणका लागि गाउँमा लगिएका सामग्रीहरु अलपत्र परेका छन् । मालिका गाउँपालिका–३ का अध्यक्ष मोतिप्रसाद बुढाले विद्युतीकरणमा भएको ढिलाई र सामग्री अलपत्र परेको विषयमा नेपाल विद्युत प्राधिकरणको बेनी स्थित कार्यालयमा पुगेर ध्यानाकर्षण गराएको बताउनुभयो ।

“दुई वर्षदेखि अधुरो विद्युतीकरण योजनालाई पूर्णता दिन प्राधिकरणको कार्यालयको ध्यानाकर्षण गराएका छौ,” उहाँले भन्नुभयो “पोल गाडेको, तार तानेको र वायरिङ गरेको दुई वर्षसम्म पनि बिजुली नबल्दा स्थानीय निराश बन्नुका साथै विद्युतीकरणका सामग्री बेवारिसे भएका छन् ।”

Rara Auto Mobiels
Chadani auto head

खटेनका १५० घरधुरीमा विद्युतीकरणका लागि तयारी छन् । वडा अध्यक्ष बुढाका अनुसार मिटरबक्स जडान र लाइन जडान गरेमा ती घरधुरीमा विजुली बल्छ । खटेनवासीले च्युरीबोटमा रहेको दाजुङखोला लघुजलविद्युत परियोजनाको विद्युत प्रयोग गर्दै आएका छन् ।

खटेनसँगै रहेको इग्रेमा भने दुई वर्ष अघिनै विजुली वालिएको थियो । खटेन र इग्रेका लागि विद्युतीकरणका लागि जडान गरिएको ट्रान्सफर्मर चार्ज भैसकेको छ । नेपाल विद्युत प्राधिकरण बेनी वितरण केन्द्रका ईञ्जिनियर शिवराज पौडेलले मालिका गाउँपालिकामा विद्युतीकरणका लागि चालू आर्थिक वर्षमा प्राप्त भएको रु. एक करोड ५० लाख बजेटको ठेक्का सम्झौताको तयारी भएको बताउनुभयो ।

“सामग्री खरिद भैसकेको छ,” उहाँले भन्नुभयो “मजदुरको काम गर्न आव्हान गरिएको ठेक्का मुल्याङ्कन गरेर सम्झौताको तयारीमा छौ ।” मालिका गाउँपालिकाको वडा नम्बर ३ मा खटेन सहित पात्ले, लुक्सीपार, औल भिरवांग, स्याकलुंगमा विद्युतीकरण बाँकी छ । इग्रे, लामखोरे, सराग्दी र किटिनीमा विद्युतीकरण गरेर केन्द्रिय लाइन विस्तार गरिसकिएको छ ।

Digo clinic
प्रतिक्रिया दिनुहोस
Loading...