बेनी। विश्व वातावरण दिवसको अवसरमा बेनीको लिटिल गार्डेन एकेडेमीका विद्यार्थीहरुले आइतवार वृक्षारोपण गरेका छन् ।
बराहपाखो सामुदायिक वन अन्तरगत बेनी–अर्थुङ्गे पदमार्ग छेउछाउ र पाखोमा विभिन्न प्रजातिका बिरुवा रोपेका हुन् । कल्की, पारिजात, वर, पिपल र स्वामीका करिब ६५ वटा विरुवा रोपिएको विद्यालयका प्रिन्सीपल दिपक सुवेदीले जानकारी दिनुभयो ।
विद्यालयका संस्थापक निर्देशक वालकृष्ण सुवेदी, शिक्षक र विद्यार्थीहरुले वृक्षारोपण गरेका थिए । वातावरण दिवसको अवसरमा लिटिल गार्डेनका विद्यार्थीहरुले हरेक वर्ष वृक्षारोपण, बजार सरसफाई लगायत कार्यक्रम गर्दै आएका छन् ।
