बेनी, १ जेठ । म्याग्दीको बेनी नगरपालिका–३ भकिम्लीको वडा अध्यक्षमा नेकपा माओवादी केन्द्रका पदम पुन निर्वाचित हुनुभएको छ ।
पुनले ७०५ मत ल्याएर विजयी हुँदा उहाँका प्रतिस्पर्धी नेपाली काँग्रेसका होमबहादुर रोकाले ४६२, एमालेका गेमबहादुर घर्तिमगरले २५१ र मंगोल नेशनल अर्गनाइजेशनका दिपक पुनले १२० मत पाउनुभएको छ । सदस्यमा काँग्रेसका भिमबहादुर थापामगर, माओवादीका रत्नबहादुर जिसी, दुरपति छन्त्याल र ससिकला सुनार विजयी हुनुभएको छ ।
तीन वटा वडाको मतगणना सकिदा नगर प्रमुखमा एमालेका सुरत केसीले दुई हजार २७०, नेपाली काँग्रेसका चिरञ्जिवी शर्माले दुई हजार ६९, उपप्रमुखमा नेकपा माओवादी केन्द्रका ज्योती लामिछाने पौडेलले दुई हजार ३७३ र एमालेकी पशुपति शाहीले एक हजार ४४८ मत पाउनुभएको छ ।
बेनपा १ मा एमालेका टेकबहादुर थापा, २ मा गठबन्धनका तर्फबाट काँग्रेसका यामबहादुर कार्की विजयी हुनुभएको छ ।
