बेनी। स्थानीय तह निर्वाचन अन्तरगत शुक्रबार भएको चुनावमा म्याग्दीको मंगला गाउँपालिकामा ६५.७२ प्रतिशत मत खसेको छ ।
कुल १३ हजार ४१६ मतदाता रहेकोमा आठ हाजर ८१७ मत खसेको निर्वाचन अधिकृत धर्मराज पौडेलले जानकारी दिनुभयो ।
पाँच वटा वडा रहेको मंगलाको आठ वटा मतदान स्थल र १७ वटा केन्द्र छन् । सबै केन्द्रमा शान्ति र सौहार्दपूर्ण वातावरणमा मतदान सम्पन्न भएको निर्वाचन अधिकृत पौडेलले बताउनुभयो ।
सबै केन्द्रबाट मतपेटिका संकलन भएपछि सर्वदलीय बैठक बसेर मतगणना शुरु गने उहाँले बताउनुभयो । मंगला माविको भवनमा मतगणना स्थल बनाइएको छ ।
पाँच वटा वडा रहेको मंगलामा निर्वाचित हुने २७ पदका लागि ९८ जना उमेद्वार प्रतिस्पर्धामा छन् ।
