मल्लाज, २४ वैशाख । नेपाली काँग्रेस र नेकपा माओवादी केन्द्र लगायत पाँच दलीय गठबन्धनले शनिबार पर्वतको जलजला गाउँपालिकाको मल्लाजमा चुनावी सभा गरेका छन् ।
सभालाई सम्बोधन गर्दै नेपाली काँग्रेसका नेता अर्जुनप्रसाद जोशी र नेकपा माओवादी केन्द्रका गण्डकी प्रदेश उपाध्यक्ष गुणाखर बस्यालले संबिधान र प्राप्त राजनीतिक उपलब्धीको रक्षाका लागि बनेको गठबन्धन राष्ट्रिय आवश्यकता भएको बताउनुभयो ।
गठबन्धनलाई संविधानको कार्यान्वयन, शान्ति प्रक्रीयाका बाँकी काम पुरा गर्ने, संघीयताको संस्थागत, देश विकास र सम्बृद्धीका लागि निरन्तरता दिनुपर्ने भन्दै उहाँहरुले इमान्दार भएर गठबन्धनका उमेद्वारलाई जिताउने अभियानमा जुट्न कार्यकर्तालाई आग्रह गर्नुभयो ।
नेपाल तरुण दलका केन्द्रिय अध्यक्ष विद्धान गुरुङले आफ्नै पार्टीको दुई तिहाई नजिकको संसद विघटन गर्ने जस्तो असंबैधानिक कदम चाल्ने एमालेबाट नेपाललाई बचाउन गठबन्धनले जित्न आवश्यक रहेको बताउनुभयो ।
नेपाली काँग्रेसका गण्डकी प्रदेश सदस्य तथा जलजला गाउँपालिकाका अध्यक्ष रामकृष्ण मल्लले आफ्नो कार्यकालमा थालिएका दुरगामी महत्वका सडक, खानेपानी, भवन लगायत योजनालाई पूर्णता दिएर जलजलालाई विकसित बनाउन गठबन्धनलाई जिताउन आव्हान गर्नुभयो ।
नेपाली काँग्रेसका पुराना नेता भवानीशंकर पौडेलले चुनावी तालमेल र गठबन्धन नौलौ विषय नभएको बताउदै आसन्न चुनावमा माओवादीले काँग्रेसलाई र काँग्रेसले माओवादीका उमेद्वारलाई मतदान गर्न कुनै हिचकिचावट मान्नु नपर्ने बताउनुभयो ।
गठबन्धनका तर्फबाट जलजला गाउँपालिका अध्यक्षका उमेद्वार काँग्रेसका राजुप्रसाद आचार्य र उपाध्यक्षका उमेद्वार माओवादीका दिपक आचार्यले भ्रष्ट्राचार विरुद्ध शुन्य शहनशिलता अपनाउने, जनप्रतिनिधी र कर्मचारीलाई जवाफदेही, उत्तरदायी, सेवा प्रवाहलाई सरल, विकास निर्माणलाई पारदर्शी र जनसहभागितामुलक बनाउने प्रतिवद्धता जनाउनुभयो । सभा भन्दा अघि पाँच दलीय गठबन्धनका कार्यकर्ताहरुले मल्लाजमा मोटरसाइकल सहितको ¥याली गरेका थिए ।
