![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, । नेकपा एमालेका उमेद्वारहरुले सोमबार मालिका गाउँपालिका–६ दुखुवेशी र लेकगाउँमा चुनावी सभा गरेका छन् ।
दुखुलेक र बेंसीमा घरेदैलो तथा मतदाता भेटघाटसहित चुनाबी सभा गरेका हुन् । गाउँपालिका कमिटीका अध्यक्ष एवं पालिका अध्यक्षका उम्मेदवार वेगप्रसाद गर्बुजाले मालिका गाउँपालिकाको समृद्धि र विकासका लागि आफ्नो नेतृत्वमा एमालेको टिम चुनाबी मैदानमा होमिएको बताउनुभयो ।
‘स्रोतसाधनको परिचालन गरी युवा स्वरोजगारको सिर्जना गर्ने भन्दै समग्र मालिकावासीको उत्थान र समृद्धिका लागि एमालेले जित्नैपर्छ,’ उहाँले भन्नुभयो ‘पर्यटन, कृषि, जडिबुटी, खानी लगायतको उत्खनन् गरी पालिकाको विकासमा परिचालन गर्छौ ।’
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
एमाले म्याग्दीका जिल्ला सचिवालय सदस्य एवं मालिका गाउँपालिकाका उपाध्यक्ष खरमाया बिटालुले एमालेलाई पहिलो शक्तिका रुपमा स्थापित गर्नका लागि मतदातासमक्ष भोट दिएर जिताउन आग्रह गर्नुभएको छ ।
गाउँपालिकाको उपाध्यक्षका उम्मेदवार लक्ष्मी पुनले महिला हक अधिकारको प्रभावकारी रुपमा कार्यान्वयन गरी उनीहरुलाई विभिन्न आयआर्जन र आत्मनिर्भरको क्षेत्रमा अगाडि बढाउने आफूको योजना रहेको सुनाउनुभयो ।
कार्यक्रममा वडा ध्यक्षका उम्मेदवार पथबहादुर रोका, सदस्यका उम्मेदवारहरु गौमती चपाई, छरदेवी घर्ती, नगेन्द्र निउरे र सतदेवी दर्जीले पनि मतदातालाई भेटेर आफ्नो पक्षमा भोट मागेका छन् । एमाले वडा कमिटी अध्यक्ष तारामान रोकाको अध्यक्षता, गाउँपालिका कमिटी सचिव सन्तनाथ सुवेदी र सदस्य रघुनाथ न्यौपानेको सञ्चालनमा सम्पन्न भएको थियो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)