![](https://dhaulagirikhabar.com/wp-content/uploads/2022/04/Arbang-ma-aagologi-3.jpg)
![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको धवलागिरी गाउँपालिका–६ मराङको अर्वाङमा बिहिबार दिउँसो आगोलागीबाट एक वटा घर जलेर नष्ट भएको छ ।
स्थानीय मतिकला जुग्जालीको घरमा भएको आगोलागीबाट त्यहाँ रहेका सबै सामग्री जलेर नष्ट भएको छ । ढुङ्गा माटोले बनेको दुई तले घर, फर्निचर, लत्ताकपडा, भाडाकुडा लगायत सवै सामान जलेर नष्ट भएको पिडितले बताउनुभएको छ ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
स्थानीय प्रगति युवा क्लवका पदाधीकारी, सदस्य र बासिन्दाहरुले संयुक्त रुपमा आगो निभाएर अन्यत्र फैलिन दिएनन् । दिउँसो ४ बजेदेखि आगो लागेको थियो । आगोलागीको अनुसन्धान र क्षतिको विवरण संकलनका लागि इलाका प्रहरी कार्यालय दरवाङको टोली पनि घटनास्थल पुगेको छ । पिडितका अनुसार आगोलागीबाट रु. दश लाख बराबरको धनमाल जलेर नष्ट भएको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
मतिकला एकल महिला हुनुहुन्छ । छिमेकी आफन्तकहाँ अस्थायी बसोवासको ब्यवस्था मिलाइएको छ । प्रगति युवा क्लवका अध्यक्ष चक्र पुनले तत्काल राहतका लागि रु. दश हजार क्लवको तर्फबाट उपलब्ध गराइएको जानकारी दिनुभयो । उहाँको घर पुननिर्माणका लागि क्लवले सहयोगको अपिल गरेको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)