![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । नेकपा (माओवादी केन्द्र)ले म्याग्दीको अन्नपूर्ण गाउँपालिकाका दुई जना नेतालाई कारवाही गरेको छ ।
गाउँपालिका इञ्चार्ज समेत रहेका गण्डकी प्रदेश सदस्य वुद्धी पुन र गाउँपालिका कमिटिका अध्यक्ष ओम फगामीलाई साधारण सदस्य समेत नरहने गरी पार्टीबाट निस्कासन गरेको हो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
माओवादी केन्द्रका जिल्ला इञ्चार्ज गोविन्द पौडेलले प्रदेश कमिटिको बैठकले पुनलाई साधारण सदस्य समेत नरहने गरी निस्कासन गरिएको र फगामीलाई कारबाहीका लागि सिफारिस गरेको बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
गत स्थानीय तह चुनावमा माओवादी केन्द्रबाट अन्नपूर्ण–२ को वडा सदस्यमा निर्वाचित पुनले केही दिनअघि पार्टी त्यागेको घोषणा गर्नुभएको थियो । यसैगरी सोही वडाको अध्यक्षमा निर्वाचित फगामीले जिम्मेवारी पुरा नगर्ने, पार्टी अनुशासन निर्देशन भन्दा फरक गतिविधि सञ्चालन गर्ने, पार्टी विपरित कार्य गर्ने गरेकाले शुक्रबार कारबाही गरेको पौडेलले जनाउनुभएको छ ।
उहाँहरु दुवै जना वि.स. २०७४ को प्रदेश र प्रतिनिधीसभा चुनावको मुखैमा एमाले र माओवादी एकता भएर नेकपा नबन्दै एमाले प्रवेश गर्नुभएको थियो । सर्वोच्च अदालतको फैसलाले पुर्बवत पार्टी भएपछि दुवै जना माओवादीमा आवद्ध हुनुभएको थियो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)