म्याग्दीमा पाँच दलले चुनावी तालमेल गर्ने

Nilgiri hydor notice magh 26

बेनी । आगामी बैशाख ३० गते हुने स्थानीय तह चुनावमा म्याग्दीमा सत्ता गठबन्धनका पाँच दलले तालमेल गर्ने भएका छन् ।

नेपाली काँग्रेस, नेकपा माओवाद्धी केन्द्र, नेकपा एकिकृत समाजवादी, राष्ट्रिय जनमोर्चा र जनता समाजवादी (जसपा)का नेताहरुको बिहिबार बेनीमा बसेको संयुक्त बैठकले म्याग्दीका छ वटै स्थानीय तहमा एकले अर्कालाई सघाउने गरेर उमेद्वार तय गर्ने निर्णय गरेका छन् ।

सबै दलको वडा तहबाट आएको रिपोर्टको आधारमा दलहरुबीच पालिका र उमेद्वार बाँडफाँडका लागि सहमति गर्ने निर्णय गरेका छन् । चुनावी तालमेल गर्न जिल्ला र पालिका स्तरीय संयन्त्र समेत निर्माण गरेका नेपाली काँग्रेस म्याग्दीका सचिव हिराबहादुर पुनले जानकारी दिनुभयो ।

Shreekrishna hardwear in news
Bhautik ministry notice about road

बैठकमा नेपाली काँग्रेसका सभापति खम्बिर गर्बुजा, माओवादी केन्द्रका जिल्ला संयोजक रेशम जुग्जाली, नेकपा एकिकृत समाजवादीका अध्यक्ष कृष्णकुमार विश्वकर्मा, राष्ट्रिय जनमोर्चाका जिल्ला अध्यक्ष छबि विश्वकर्मा र जनता समाजवादीका अध्यक्ष देबेन्द्रबहादुर विश्वकर्मा लगायत नेताहरुको उपस्थिति थियो ।

२०७४ को निर्वाचनमा काँग्रेसले बेनी नगरपालिकामा प्रमुख र तीन गाउँपालिका अध्यक्ष, दुई गाउँपालिका उपाध्यक्ष र १५ वटा वडामा अध्यक्ष जितेको थियो । माओवादी केन्द्रले सात वटा वडा जितेको थियो ।

एमालेले दुई गाउँपालिका अध्यक्ष, तीन गाउँपालिका उपाध्यक्ष र २३ वटा वडा अध्यक्ष जितेको थियो । बेनी नगरको उपप्रमुख राप्रपाले जितेको थियो ।

Naresh Mobile
प्रतिक्रिया दिनुहोस
Loading...