![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी। बेनी नगरपालिका–९ स्थित गलेश्वर मन्दिरमा १३ दिनमै करिव पाँच लाख रुपैयाँ भेटि संकलन भएको छ ।
चैत ९ देखि २२ गतेसम्म गलेश्वरमा भक्तजनले रु. चार लाख ९२ हजार ४०५ भेटि चढाएका गलेश्वर शिवालय क्षेत्र विकास कोषले जनाएको छ । कोषको सचिवालय परिसरमा मंगलबार सरोकारवालाको उपस्थितिमा पाँच घण्टा लगाएर भेटी गनिएको कोषाध्यक्ष कुमारी रोकाले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
मुक्तिनाथ र मुस्ताङ जाने आउनेसँगै गलेश्वरमा पनि भक्तजनको चहलपहल बढेको छ । गलेश्वरमा भक्तजनले चढाउने भेटि गनेर सार्वजनिक गरिदै आएको छ । कालीगण्डकी नदी किनारको नौ रोपनी क्षेत्रफलमा फैलिएको चट्टानमा फैलिएको गलेश्वरमा महाशिवरात्री, बालाचर्तुदर्शी र साउन महिनाको सोमबारका दिन बिशेष मेला लाग्ने गर्छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
गलेश्वरधामलाई हिन्दु तथा बौद्ध धर्मावलम्बीहरुको साझा तिर्थ स्थल मुक्तिनाथको प्रवेशद्धारका रुपमा चिनिन्छ । द्धापरयुगमा सतिदेबी गला पतन भएकाले गलेश्वर नाम रहन गएको यस स्थानमा दर्शन र पुजाआजा गरेमा सुख, शान्ति, सम्बृद्धि र मनोकामना पुरा हुने विश्वास छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)