![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको बेनी नगरपालिका–१ को कमेरे स्थित पहिरो नियन्त्रण योजना शुरु भएको छ ।
बेनी नगरपालिकाको अनुदान सहयोगमा उपभोक्ता समितिले कालीगण्डकी नदी किनार र कमेरे पहिरोको फेदीमा ग्यावीयन पर्खाल निर्माण थालेका हुन् । समितिका मिन थापाले ९० थान ग्यावीयन भरेर पर्खाल बनाउन लागिएको बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
नदी कटान र पहिरो नियन्त्रणका लागि बेनी नगरपालिकाले चालु आर्थिक वर्षमा रु. दश लाख बजेट बिनियोजन गरेको छ । कमेरेको पहिरोका कारण सारेमारे–ढोडेनी जोड्ने सडक जोखिममा परेको छ । सामुदायिक वनमा क्षति पुगेको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![](https://dhaulagirikhabar.com/wp-content/uploads/2021/11/Hari-auto-parts-1024x151.jpg)
बेनी नगरपालिका–१ का वडा अध्यक्ष टेकबहादुर रावलले कमेरेका साथै यसपाली सिम र आनन्दबगरमा नदि नियन्त्रण योजनालाई बजेट बिनियोजन गरेको बताउनुभयो । ती योजनाका उपभोक्ता समिति गठन र सम्झौता गरी कार्यान्वयनको तयारी भएको उहाँले बताउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)