ताकम, नेपाल राष्ट्रिय उद्योग व्यवसाय महासंघ धवलागिरी गाउँपालिका कमिटिको आइतबार ताकममा सम्पन्न भेलाले राम्जी मल्लको अध्यक्षतामा २१ सदस्यीय कमिटि गठन गरेको छ ।
कमिटिको उपाध्यक्षमा गंगा सुवेदी, बलसिङ वुढा, सचिवमा भुवानी पौडेल, कोषाध्यक्षमा नरबहादुर थापा, उपसचिवमा अम्बिका शर्मा, चेतनसिंह घर्ति, कौशिला आचार्य खत्री र सहकोषाध्यक्षमा गौबहादुर क्षत्री चयन हुनुभएको छ ।
नेकपा एमाले जिल्ला सदस्य देवबहादुर थापा, पालिका अध्यक्ष होमबहादुर थापा, सचिब तथा गाउँपालिकाका उपाध्यक्ष रेशम छन्त्याल, वडा अध्यक्ष कलानिधी शर्माको उपस्थितिमा भएको भेलाको अध्यक्षता नारायण शर्मा र सञ्चालन तेजिन्द्र थापाले गर्नुभएको थियो ।
