![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
मुना । म्याग्दीको धवलागिरी गाउँपालिका–३ मुनाका आगोलागी पिडित गमिना पुनलाई नेपाली काँग्रेस प्रदेशसभा क्षेत्र (ख)ले आर्थिक सहयोग गरेको छ ।
फागुन १५ गते बिद्युत सर्ट भएर आगोलागी हुदाँ मुनाका यामबहादुर र गमिना पुनको ढुङ्गा माटोले बनेको दुई तले घर सहित अन्नपात, लत्ताकपडा, फर्निचर लगायतका सामग्री जलेर नष्ट भएको थियो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
प्रदेश सभा क्षेत्र खकको कार्यसमितिको सक्रीयतामा संकलित रु. ३६ हजार ३०५, मालिका गाउँपालिकाका अध्यक्ष श्रीप्रसाद रोका र वडा नम्बर ५ देबिस्थानका वडा अध्यक्ष पिपला बुढाथोकीले उपलब्ध गराएको एक÷एक थान बल्याङ्केत पालिका सभापति प्रेम पुनको टोलीले आइतबार पिडितलाई हस्तान्तरण गरिएको वडा सभापति देबेन्द्र रोकाले बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
छिमेकीको घरमा आश्रय लिएर बसेका आगोलागी पिडितका लागि मुनाको उच्च मालिका युवा कल्वले रु. ४८ हजार १५५ जुटाएर हस्तान्तरण गरेको छ । धवलागिरी गाउँपालिकाका अध्यक्ष थमसरा पुनले १५ गतेनै लत्ताकपडा लगायत जिन्सी राहत सामग्री उपलब्ध गराउनुभएको थियो । पालिकाको विपद् कोषबाट थप रु. बीस हजार सहयोग गर्ने अध्यक्ष पुनले बताउनुभयो । यसैगरी ताकमका दलबहादुर खत्रीले रु. पाँच हजार सहयोग गर्नुभएको थियो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)