![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
जोमसोम । भारतीय सेनाका लेफ्टीनेन्ट जनरल पिएन अनन्थनारायणले सोमबार मुस्ताङ पुगेर फर्कनुभएको छ ।
नेपाली सेनाको सैनिक हेलिकप्टर मार्फत मुस्ताङ पुगेका पिएनले करिब डेढ घण्टा मुक्तिनाथ मन्दिरमा पुजाआजा गरेर काठमाडौ फर्कनुभएको हो । नेपालको भ्रमणमा रहनुभएका पिएन पुजाआजाका लागि मुक्तिनाथ पुग्नुभएको हो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
जनरल पीएन अनन्थनारायणन मुक्तिनाथ पुग्दा सुरक्षा निगरानीमा कडाई गरिएको थियो । पिएनलाई भारतीय गोर्खा सैनिकका सेवा निवृत्त क्याप्टेन समेत रहनुभएका म्याग्दीको अन्नपूर्ण गाउँपालिकाका अध्यक्ष डमबहादुर पुनले भेटघाट र स्वागत गर्नुभएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
पुनसँगै उहाँकी धर्मपत्नी पुनम गर्बुजा पुन पनि पिएनको स्वागतका लागि मुक्तिनाथ जानुभएको थियो । यसअघि भारतीय प्रधानमन्त्री नरेन्द्र मोदीले समेत मुक्तिनाथको दर्शन गर्नुभएको थियो । मुक्तिनाथ मन्दिर हिन्दू तथा बौद्ध धर्मालम्बीहरुको साझा तीर्थस्थल हो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)