![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
सन्तोष गौतम
बेनी, जिल्ला सदरमुकाम बेनी स्थित प्रकाश माबिका एक जना बिद्यार्थी शिक्षकको कुटाईबाट घाइते भएका छन् ।
लेखा बिषय शिक्षक नबिन घिमिरेको कुटाईबाट कक्षा १० का बिद्यार्थी १७ वर्षीय राजन पौडेलको करङ भाँचिएर घाइते भएका हुन् । घिमिरेले कक्षा कोठामै पाइपले निलडाम र चोट पर्ने गरी टाउको र दाडमा पिटेको पौडेलले बताए ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
‘बिना कारण सरले पाइपले पिट्नुभयो, अफिसमा गएर कुरा गरौ भन्दा पनि मान्नुभएन्,’ उनले भने ‘हिड्न सकेको छैन् । बोल्न र सास फेर्न गाहे भएको छ ।’ पौडेलका अनुसार उनि सहित कृष्ण तामाङ, निशान गर्बुजा, रुपेश बोहोरा र विपन पुर्जालाई शिक्षक घिमिरेले शुक्रबार दिउँसो यातना दिएका थिए ।
![](https://dhaulagirikhabar.com/wp-content/uploads/2022/02/IMG_3728.jpg)
वान्ता गर्ने, खाना नखाने, सास फेर्न गाहे हुने र दुखाई बढेपछि शनिबार साँझ बेनी अस्पतालमा एक्सरे र स्वास्थ्य परिक्षण गरिएको थियो । पौडेलकी दिदी मनकुमारी सुबेदीले टाउको सुन्निएकाले शनिबार रातीनै पोखरा लगेर कालीगण्डकी डायग्नेस्टिक एण्ड रिसर्च सेन्टरमा सिटिस्क्यान गरि बिहान बेनी ल्याएको बताइन् ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
‘बेनी अस्पतालका डाक्टरले करङ भाँचिएको पुष्टि गरेर आराम गर्न र औषधी दिनुभएको छ,’ उनले भनिन् ‘सम्बन्धित शिक्षक र बिद्यालय प्रशासनमा शनिबार बिहानै फोनबाट जानकारी गराउदा वास्ता गर्नुभएन् ।’
![](https://dhaulagirikhabar.com/wp-content/uploads/2021/11/Hari-auto-parts-1024x151.jpg)
मर्यादा विपरित बालमनोबैज्ञानिक असर पर्ने गरी यातना दिने शिक्षक घिमिरेलाई कारबाहीको माग गर्दै पौडेलका बुवा भिमप्रसादले आइतबार बिद्यालयमा निवेदन दिएका छन् । पौडेल प्रकाश माबिमा तीन बर्षदेखि अध्ययनरत थिए । बिद्यालयका निमित्त प्रअ लेखबहादुर हमालले शनिबार बिहान फोनबाट पौडेलकी दिदीले अनौपचारिक जानकारी गराएको र आइतबार छलफलका लागि बोलाएको बताए ।
‘शुक्रबार ५ बजेसम्म कक्षा भएको थियो । नबिन सरको पिरियड दिउँसो १२ः१० देखि १२ः५० सम्म हो । राजनले त्यो दिन पुरै कक्षा पढेका थिए । लेखा पछिको बिषयका सरहरुले पनि उनिको स्वास्थ्य अवस्था सामान्य भएको बताउनुहुन्छ,’ उनले भने ‘आज बिहान सरलाई सोध्दा कागजको डल्ला फालेकाले हल्का एक्सन लिएको बताउनुभयो । थप छानबिन र छलफल गर्दैछौ ।’
![](https://dhaulagirikhabar.com/wp-content/uploads/2022/02/beni-jomsom-sadak-1024x168.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)