बेनी । मिना राम्जाली मगरको अध्यक्षतामा बिहिबार अखिल नेपाल महिला (अनेम) संघ बेनी नगर कमिटिको नयाँ नेतृत्व चयन भएको छ ।
हाँडेभिर स्थित एमालेको पार्टी कार्यालयमा बिहिबार भएको संघको भेलाबाट राम्जालीको अध्यक्षतामा चयन भएको ४९ सदस्यीय नगर कमिटिको उपाध्यक्षमा बिष्णु गुरुङ, सचिवमा उषा किसान, उपसचिवमा सिता घिमिरे र कोषाध्यक्षमा साधनाकुमारी श्रेष्ठ चयन हुनुभएको छ । एमालेका केन्द्रिय सदस्य तथा गण्डकी प्रदेश सभा सदस्य नरदेवि पुनले आगामी स्थानीय तह निर्बाचनको तयारीमा जुट्न निर्देशन दिनुभयो ।
नेकपा एमाले म्याग्दीका जिल्ला कमिटि उपाध्यक्ष बालकृष्ण सुवेदी, सचिव सुरज केसी, उपसचिव एवं अनेमसंघका जिल्ला अध्यक्ष थमसरा पुन, बेनी नगर कमिटि अध्यक्ष नारायण जिसीले टोल टोलमा संगठन बिस्तारलाई तिव्रता दिन र चुनाव लक्षित प्रशिक्षण लगाएतका कार्यक्रमलाई थप प्रभावकारी बनाउनमा जोड दिनुभयो ।
