![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । लायन्स क्लब अफ बेनी मल्लाजले मंगला गाउँपालिका–१ पुर्णगाउँका अतिबिपन्न बलबहादुर बिकका परिवारलाई जिन्सी र नगद सहयोग गरेका छन् ।
रु.४० हजार मूल्य बराबरको खाद्यान्न, लत्ताकपडा र रु. सात हजार पाँच सय नगद सहयोग गरिएको क्लबले जनाएको छ । वडा सदस्य जगजित गौचनको अध्यक्षता, लायन्स क्लब ३२५ बिवानका भ्वाइस डिस्ट्रक्ट गर्भनर चन्द्रकुमार केसीको प्रमुख आतिथ्यतामा भएको कार्यक्रममा क्लबका अध्यक्ष बिक्रम सुबेदी, पदाधीकारी र सदस्यहरुले बितरण गर्नुभएको थियो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
![](https://dhaulagirikhabar.com/wp-content/uploads/2022/02/digo-Clinic-1024x375.jpg)
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
हाल दुई जना सदस्य रहेको बिकको परिवारका तीन जना सदस्यले दुई बर्षको अन्तरालमा आत्महत्या गरेका थिए । सोही अवसरमा तीन जना बिद्यार्थीलाई शिक्षक सुनबहादुर बिकको रोहबरमा रु. सात हजार सहयोग गरिएको थियो ।
यसैगरी लायन्स क्लब ३२५ बिवानका भ्वाइस गर्भनरमा निर्बाचित चन्द्रकुमार केसी र नेपाल राष्ट्रिय उद्योग ब्यापार महासंघ जलजलाको अध्यक्षमा चयन हुनुभएका श्रीलाल चापागाईलाई सम्मान गरिएको थियो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)