![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । पाँच महिनाअघिको बाढीले क्षतिग्रस्त बनेको म्याग्दीको धवलागिरी गाउँपालिका–२ लुलाङ स्थित दरखोला दोस्रो लघुजलबिद्युत परियोजना पुननिर्माण भएको छ ।
भौगोलिक रुपमा बिकट र दुर्गम क्षेत्रमा अवस्थित केन्द्रिय प्रशारण लाइनको बिद्युत र सडक यातायात नपुगेको लुलाङको दरखोलामा गत भदौ २० गते दरखोलामा आएको बाढीले बिद्युत गृह, बाँध र नहर बगाएपछि ४३ किलोवाट क्षमताको परियोजना बन्द भएको थियो ।
गण्डकी प्रदेश सरकार र धवलागिरी गाउँपालिकाको रु. २२ लाख सहयोगमा परियोजना मर्मत भएको उपभोक्ता समितिका अध्यक्ष ज्ञानबहादुर पाईजाले बताउनुभयो । “गत पुष महिनादेखि शुरु भएको लघुजलबिद्युत परियोजना मर्मत गरेर आइतबार परिक्षण बिद्युत उत्पादन सफल भयो,” उहाँले भन्नुभयो “केही दिनमै नियमित बिद्युत आपुर्ति हुन्छ ।”
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![](https://dhaulagirikhabar.com/wp-content/uploads/2022/02/digo-Clinic-1024x375.jpg)
परियोजना मर्मतका लागि म्याग्दी क्षेत्र (ख)बाट निर्बाचित गण्डकी प्रदेशसभा सदस्य नरदेबी पुनको सिफारिसमा पुर्बाधार बिकास कार्यक्रमको रु. १२ लाख र धवलागिरी गाउँपालिकाले रु. दश लाख बिनियोजन गरेको वडा अध्यक्ष गमप्रसाद बिकले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
परियोजनाको टर्वाइन, एलसी बोर्ड, रनर, अर्थिङ प्लेट लगायतका उपकरणहरु परिवर्तन भएको छ । मुहानमा २५ मिटर कुलो निर्माण र मर्मत गरिएको छ । विद्युतगृहको नयाँ भवन निर्माण भएको छ । नहर र बिद्युतगृहको उचाईसँगै उत्पादन क्षमता घटेर ३५ किलोवाटमा झरेको छ ।
खोलाको किनारदेखि केहि माथि सुरक्षित ठाउँमा विद्युतगृह निर्माण भएको कारण परियोजनाको उत्पादन समेत घटेर ३५ किलोवाटमा सिमित भएको समितिले जनाएको छ । सो परियोजनाबाट उत्पादीत बिद्युत लुलाङ, लमसुङ, मरेनी र खोरियाका ३५४ घरधुरीले उपभोग गर्दै आएका छन् ।
परियोजना बन्द हुँदा घरायसी काम, बिद्यार्थीको पठनपाठन, मोवाईल चार्ज, रेडियो सुन्न र टेलिभिजन हेर्न समस्या भएको थियो । परियोजना सञ्चालन भएपछि कुटानी पिसानी गर्ने मिल, फर्निचर उद्योग र मासुपसल लगायतका घरेलु उद्योगहरुलाई सहज भएको स्थानीय भक्त सिंकीजाले बताउनुभयो ।
गाउँपालिका अध्यक्ष थमसरा पुनले परिक्षण उत्पादन सफल भएको र स्थानीय उपभोक्ताहरुको बैठक बसेर नियमित रुपमा विद्युत सेवा सुचारु गरिने बताउनुभयो । ‘‘दुर्गम बस्ति बिद्युत सुबिधाबाट बञ्चित हुँदा सास्ती भएको थियो,” उहाँले भन्नुभयो “बिद्युतको समस्यालाई गम्भिरताका साथ लिएर समाधानमा जुटेपछि स्थानीयबासीलाई अन्धारमै बसिरहनुपर्ने बाध्यता हटेको छ ।’’
बाढीले बगाएर क्षतिग्रस्त बनेको परियोजनाको टर्वाइन, एलसी बोर्ड, रनर, अर्थिङ प्लेट लगायतका मेसिन उपकरणहरु नयाँ फेरिएको छ भने मुहानमा २५ मिटर कुलो निर्माण र मर्मतको काम गरिएको छ । त्यसैगरि विद्युतगृह भवन नयाँ निर्माण गरिएको छ ।
बि.स. २०७६ मा वैकल्पिक उर्जा प्रवद्र्धन केन्द्रको रु ८५ लाख ९७ हजार, गाउँपालिकाको रु. ५० लाख, रु. ३३ लाख बराबरको श्रमदान र रु. पाँच लाख तीन हजार चन्दा सहयोगमा परियोजना निर्माण भएको थियो । जुगेपानीको पहिरोले नहर र बिद्युतगृहमा क्षत्ति पुगेपछि परियोजना स्थानान्तरण गरिएको वडा अध्यक्ष बिकले बताउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)