![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको बेनी नगरपालिका–८ कालीपुलस्थित मोटर पुल कालीगण्डकी नदीको निरन्तर कटानले जोखिमपूर्ण बनेको छ । पुलको पिलर नै नदी कटानले जीर्ण भए पनि सरोकारवाला निकायले संरक्षणमा चासो देखाएका छैनन् ।
सडक विभागले २०६२ मा पर्वतको मल्लाज र म्याग्दी सदरमुकाम बेनी जोड्न कालीगण्डकी नदीमाथि ७२ मिटर लामो मोटरपुल निर्माण गरेको थियो । बर्खायाममा कालीगण्डकीले ल्याउने ठूला ढुंगाको चापले पुलको पिलर फुटेर जीर्ण भएको हो ।
![](https://dhaulagirikhabar.com/wp-content/uploads/2022/01/digo-Clinic-1-1024x375.jpg)
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
उक्त पुल म्याग्दी र मुस्ताङलाई प्रदेश राजधानी पोखरासमेत देशका अन्य भूगोलसँग सडकले जोड्ने मुख्य पुल हो । पुल निर्माण भएको १० वर्ष नपुग्दै नदीले पुलको पिलर भत्काएको छ । खोलाको बिचमा रहेका दुई वटा मध्य कालीपुल तर्फको पिल्लर खिइएको हो ।
फलामे पाताले बाँधेर संरक्षण गरिएकामा गत वर्ष फेरि नदीले क्षति पु¥याएको छ । म्याग्दी उद्योग वाणिज्य संघका पूर्वअध्यक्ष उत्तम कर्माचार्यले कालीगण्डकी नदीमा जलसतह घटेको समयमै आवश्यक मर्मत, सम्भार नगरे आउँदो बर्खायाममा नदीले पिलरमा थप क्षति पु¥याउने जोखिम रहेको बताउनुभयो ।
![](https://dhaulagirikhabar.com/wp-content/uploads/2022/01/sadak-banda-beni-jomsom-sadak-1-1024x156.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)