![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
गोपाल आचार्य
ताकम ।
म्याग्दीको धवलागिरी गाउँपालिका–७ ताकममा कृषकहरुलाई मंगलबार मिनिटेलर हलो र थ्रेसर बितरण गरिएको छ ।
गाउँपालिकाको कृषि शाखाको कार्यक्रम अनुसार पचास प्रतिशत अनुदानमा २० थान मिनिटेलर हलो र १५ थान थ्रेसर मेसिन बितरण गरिएको हो । ताकम, गुर्जा, लुलाङ, मुना र मुदीका कृषकहरुलाई उपकरण बितरण गरिएको कृषि शाखाले जनाएको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
गाउँपालिकाका अध्यक्ष थमसरा पुन, उपाध्यक्ष रेशम छन्त्याल, वडा अध्यक्ष कलानिधी शर्मा र कृषि शाखा संयोजक आश्विन खत्रीले उपकरण बितरण गर्नुभएको थियो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
कृषि औजार बितरणका लागि गाउँपालिकाले चालु आर्थिक बर्षमा रु. दश लाख बिनियोजन गरेको थियो । मिनिटेलर हलो खेतबारी खनजोतमा प्रयोग हुन्छ । थ्रेसर मेसिन धान, गहुँ, कोदोको दाना झार्न प्रयोग हुन्छ ।
![](https://dhaulagirikhabar.com/wp-content/uploads/2022/02/Takam-ma-Menitalar-ra-Thressar-3-1024x768.jpg)
खेतीमा यन्त्र उपकरणको प्रयोगबाट लागत घटाउने, कृषकको समय बचत गराउने र उत्पादन बढाउने उद्देश्यले मिनिटेलर हलो र थ्रेसर मेसिन बितरण गरेको अध्यक्ष पुनले बताउनुभयो ।
यसअघि गत हप्ता धवलागिरी गाउँपालिका–६ मराङमा ११ वटा मिनिटेलर, चार वटा थ्रेसर र वडा नम्बर ५ मल्कवाङमा दुई वटा थ्रेसर पचास प्रतिशत अनुदानमा बितरण गरिएको थियो । गाउँपालिकाले अन्य वडामा पनि थ्रेसर र मिनिटेलर बितरण गरिने जनाएको छ ।
![](https://dhaulagirikhabar.com/wp-content/uploads/2022/01/digo-Clinic-1-1024x375.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)