धौलागिरि खबर

बनौको डाडाखोरमा सामुदायिक स्वास्थ्य इकाई

Hariyali Groups Pvt Ltd

बेनी । पर्वतको जलजला गाउँपालिका–९ बनौको डाडाखोरमा सामुदायिक स्वास्थ्य इकाई स्थापना भएको छ ।

लालीगुराँस सामुदायिक बन उपभोक्ता समूहको भवनमा स्थापना भएको इकाईको जलजला गाउँपालिकाका प्रमुख प्रशासकीय अधिकृत राजेन्द्र क्षेत्रीले आइतबार उद्घाटन गर्नुभयो ।

इकाईमा गाउँपालिकाले एक÷एक जना अहेब र अनमी खटाएको छ । बनौको साबिक १, २, ३ नम्बर वडा, धाइरीङको सल्यानी, एकपाटे र तामाङ गाउँका करिब २०० घरधुरी इकाईबाट लाभान्वित भएका वडा अध्यक्ष गौबहादुर पुनले जानकारी दिनुभयो ।

Rara Auto Mobiels
Chadani auto head

त्यहाँका बासिन्दालाई यसअघि बनौ स्थित वडा स्तरको स्वास्थ्य चौकी पुगेर सेवा लिन एक घण्टा तीस मिनेट देखि दुई घण्टा पैदल हिड्नुपर्ने थियो । भौगोलिक रुपमा दुर्गम र बिकट क्षेत्रका बासिन्दाहरुलाई सहज रुपमा स्वास्थ्य सेवा उपलब्ध गराउने उद्देश्यले सामुदायिक स्वास्थ्य इकाई स्थापना गरिएको वडा अध्यक्ष पुनले बताउनुभयो ।

इकाईबाट स्वास्थ्य परिक्षण, परामर्श र निशूल्क औषधी बितरण सम्बन्धी सुबिधा उपलब्ध गराइने गाउँपालिकाले जनाएको छ । यसअघि जलजलाको वडा नम्बर २ र ४ मा आधारभूत स्वास्थ्य सेवा केन्द्र सञ्चालन भएको थियो । यसैगरी वडा नम्बर ५ लेकफाँटको फलामेडाडा र रातोमाटा, वडा नम्बर २, वडा नम्बर ८ मा एक ÷एक वटा सामुदायिक स्वास्थ्य इकाई सञ्चालन भएको छ ।

डाडाखोर सामुदायिक स्वास्थ्य इकाई उद्घाटन कार्यक्रममा प्रमुख प्रशासकीय अधिकृत क्षेत्री, गाउँपालिकाका स्वास्थ्य शाखा संयोजक राजु बोहोराले मन्तब्य ब्यक्त गर्नुभएको थियो । बनौ स्वास्थ्य चौकी ब्यवस्थापन समितिका उपाध्यक्ष डम्मरबहादुर पुर्जाको सञ्चालन र इञ्चार्ज फुलकुमारी फगामीको स्वागत मन्तब्यमा कार्यक्रम सम्पन्न भएको थियो ।

Dhakal lab
प्रतिक्रिया दिनुहोस
Loading...