धौलागिरि खबर

बिस्थापित भएका बेलिब्रिज स्थानान्तरण कहाँ ?

Hariyali Groups Pvt Ltd

बेनी । राष्ट्रिय गौरबको कालीगण्डकी कोरिडोर सडक आयोजनाको बेनी–जोमसोम–कोरला खण्डका खोलाहरुमा पक्कि पुल बनेपछि बेलिब्रिज प्रयोगबिहिन भएका छन् ।

आफ्नो भूगोलमा बेलिब्रिज लैजान भएको जनप्रतिनिधीको तानातानका कारण निर्णय हुन नसक्दा पुल स्थानान्तरणमा ढिलाई भएको छ । कतै पुल प्रयोगबिहिन हुने र कतै पुल नभएर जोखिमपुर्ण यात्रा गर्न तथा यातायात सुबिधाबाट बञ्चित हुनुपर्ने अवस्था देखिएको छ ।

म्याग्दीको बेनी नगरपालिका–९ गलेश्वर र रघुगंगा गाउँपालिका–३ राहुघाट, रघुगंगा गाउँपालिका–१ तिप्ल्याङ र अन्नपूर्ण गाउँपालिका–७ महभिरमा पक्कि पुल निर्माण भएपछि बेलिब्रिज प्रयोगबिहिन भएका छन् ।

Rara Auto Mobiels

अन्नपूर्ण गाउँपालिका–६ र २ को सिमाना कालीगण्डकी नदी माथि पक्कि पुल निर्माण अन्तिम चरणमा पुगेकाले पोखरेबगरको बेलिब्रिज पनि बिस्थापित हुदैछ् । राहुघाट खोलाको १०० फिट, तिप्ल्याङको १५० फिट र पोखरेबगरको बेलिब्रिज १६० फिट लामा छन् । मुस्ताङको थासाङ गाउँपालिका–३ लेतेखोलामा निर्माणको अन्तिम चरणमा रहेको मोटरेबल पुल सम्पन्न भएपछि त्यहाँको बेलिब्रिज पनि बिस्थापित गर्नुपर्ने छ ।

Chadani auto head

बेलिब्रिज स्थानान्तरणका बिषयमा गत कात्तिक महिनामा भएको जिल्ला सभामा छलफल भएपनि जनप्रतिनिधीहरुको मत बाझिएपछि निर्णय हुन नसकेको जिल्ला समन्वय समितिका प्रमुख देबेन्द्रबहादुर कटुवालले बताउनुभयो ।

बि.स. २०५८ देखि सुरु गरी २०६५ मा सकिएको ७६ किलोमिटर दुरिको बेनी–जोमसोम सडकमा नेपाली सेनाले ९ वटा बेलिब्रिज बनाएको थियो । बेनी–जोमसोम–कोरला सडक आयोजनाका प्रमुख जगत प्रजापतिले प्रयोग बिहिन भएका बेलिब्रिज उपयुक्त र आवश्यक पर्ने ठाउँमा स्थानान्तरण गर्न सहमतिमा निर्णयको प्रतिक्षामा रहेको बताउनुभयो ।

आयोजनाले प्रयोगहीन बनेका बेलिब्रिज झिकेर बेनी–जोमसोम सडककै बेगखोला, रुप्से र खहरे खोलामा राख्न प्रस्ताब गरेको छ । “बेगखोला र रुप्सेमा बर्खायाममा यातायात अबरुद्ध भएर यात्रुले सास्ती पाएका छन्,” उहाँले भन्नुभयो “जिल्ला स्तरमा सहमतिमा स्थानको सिफारिस र बिभागले निर्णय गरिदिए हुन्थ्यो ।”

बेनी–जोमसोम सडकको म्याग्दी खण्डमा पर्ने राहुघाट र कालीगण्डकीमा प्रयोगहीन बनेका बेलिब्रिजलाई आ–आफ्नो क्षेत्रमा लैजान सत्तारूढ र प्रमुख प्रतिपक्षी दलका नेताबीच रस्साकसी सुरु भएको छ । राष्ट्रिय सभा अध्यक्ष गणेश तिमिल्सिनासहित जलजला गाउँपालिकाका पदाधीकारी र पर्वतका नेताहरू पर्वतको जलजला–२ बगरफाँट र र म्याग्दी सदरमुकाम बेनी जोड्ने कालीगण्डकी नदीमा बेलिब्रिज राख्न जोड गर्नुभएको छ ।

करिब तीन सय घरधुरीको बसोबास रहेको बगरफाँट जोड्ने सडक कालीगण्डकीले कटान गरेपछि यातायात सम्पर्क बिच्छेद भएको छ । पोखरेबगरको पुललाई रातोपानी र ठुलोबगर जोड्ने कालीगण्डकी नदीमाथि स्थानान्तरण गर्नुपर्ने भुरुंगका जनप्रतिनिधीको लबिंग छ । म्याग्दीका केही नेताहरुले भने बेनी–दरबाङ सडक अन्तरगतको फापरखेतको पहिरोले बर्खामा दुःख दिने भएकाले मंगलाको पखेर र सिमलचौरको सिमाना म्याग्दी नदीमाथी बेलिब्रिज स्थानान्तरण गर्न प्रस्ताव गर्नुभएको छ ।

Dhakal lab
प्रतिक्रिया दिनुहोस
Loading...