![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । आर्थिक अभावका कारण म्याग्दीको धवलागिरी गाउँपालिका–७ हिलापोखरीका एक नवजात शिशूको उपचारमा समस्या भएको छ ।
गत मंसिर १५ गते टकमाया परियारले जन्माएको बच्चाको मुटु र मृगौलामा समस्या देखिएपछि काठमाडौको शिक्षण अस्पतालमा उपचार लगिएको छ । शल्यक्रियाका क्रममा छोरीको आन्द्रामा समस्या देखिएपछि उपचारमा असहज भएको बुवा प्रशान्त परियारले बताउनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
नौ महिना पुग्नु भन्दा एक महिना अघि जन्मीएको बच्चाको तौल एक किलो आठ सय ग्राम थियो । टकमायाले ताकम स्वास्थ्य चौकीमा बच्चा जन्माएकी थिइन् । जन्मनै बित्तिकै स्वास्थ्य समस्या देखिएपछि पोखराका अस्पतालमा लगेका थिए । पोखरामा उपचार हुन नसक्ने डाक्टरले बताएपछि शिक्षण अस्पताल लगिएको हो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
बच्चाका बुवा प्रशान्त परियारले छोरीको उपचारमा आर्थिक अभावले समस्या भएको बताउनुभयो । टकमाया र प्रशान्त दम्पत्तीले दोस्रो सन्तान जन्माएका थिए । बच्चालाई आइसियुमा राखेर परिवारका सदस्यहरु थप उपचारका लागि खर्च जुटाउन सहयोगीको खोजिमा भौतारिएका छन् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)