![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । नेपाल कम्युनिष्ट पार्टी (नेकपा) एमाले म्याग्दीको यही पुष २३ गते हुने नवौ जिल्ला अधिबेशनका लागि ४५० जना प्रतिनिधी छनौट भएका छन् ।
छ वटा स्थानीय तह, ४५ वटा वडा, आयोजक र जनसंगठनबाट सर्बसम्मत प्रतिनिधी छनौट भएका हुन् । एमाले म्याग्दीका अध्यक्ष हरिकृष्ण श्रेष्ठले जिल्ला अधिबेशनका लागि ४५० जना प्रतिनिधी छनौट भएका जानकारी दिनुभयो ।
वडालाई निर्बाचन इकाई मानेर महिला र दलितका लागि दश सदस्य बराबर एक जना र अन्यका लागि पन्ध्र जना बराबर एक जना सदस्य छनौट गरिएको छ । मजदुरलाई पाँच जना बराबर एक, गाउँपालिका कमिटि र जनसंगठनबाट एक जना महिला सहित दुई÷दुई जना प्रतिनिधी चुनिएका छन् ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
![](https://dhaulagirikhabar.com/wp-content/uploads/2022/01/digo-Clinic-1-1024x375.jpg)
छनौट भएका मध्य कुल पाँच प्रतिशत जिल्ला कमिटिले मनोनित गरेको हो । जिल्ला कमिटिका पदाधीकारी र सदस्यहरु आयोजकका रुपमा प्रतिनिधी भएका छन् । जिल्ला अधिबेशनको प्रचार बिभाग प्रमुख सुरज केसीले बिभिन्न उपसमिति बनाएर तयारीलाई तिब्र बनाएको जानकारी दिनुभयो ।
¥यालि, सचिवालय, मञ्च, आर्थिक, प्रचारप्रसार, भोजन तथा आवास, सामग्री, स्वयमसेवक लगाएतका उपसिमिति मार्फत तयारी गरिएको केसीले बताउनुभयो । एमालेका जिल्ला अध्यक्ष श्रेष्ठले राजनीतिक तथा सांगठनिक र सचिवालय सदस्य तथा आर्थिक विभाग प्रमुख प्रमोद श्रेष्ठले आर्थिक प्रतिवेदन लेखनमा जुट्नुभएको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)