म्याग्दी । म्याग्दीको धवलागिरी गाउँपालिकाको चार वडा वडाका पाँच वटा माध्यमिक बिद्यालयमा बालबिवाह बिरुद्ध सन्देशमुलक नाटक प्रर्दशन गरिएको छ ।
गल्र्स फस्ट फण्डको सहयोग र धवलागिरी गाउँपालिकासँगको समन्वयमा संगम म्याग्दीद्धारा सञ्चालित बालबिवाह न्युनीकरण परियोजना अन्तरगत नाटक प्रर्दशन गरिएको हो ।
लुलाङको लमसुङ माबि, मुनाको धनजनता माबि, मुदीको बुद्धीबिकास माबि, ताकमको ताकम माबि र धारापानीको किसानी माबिमा ‘काइली आमा’ शिर्षकको सन्देशमुलक नाटक प्रर्दशन गरिएको संगम म्याग्दीका प्रशासन तथा बित्त अधिकृत सुमित्रा जिसीले बताउनुभयो ।
जगन्नाथ आचार्यले लेखन तथा निर्देशन गर्नुभएको नाटकमा आचार्य सहित दिनेश अधिकारी, लक्ष्मी पौडेल, रिता केसी, दिपक सुबेदी, धनमाया थापा र बिनिता थापाले अभिनय गर्नुभएको थियो ।
४० मिनेट लामो नाटक मार्फत बालबिवाहको कारण, असर र बालबिवाह गर्नेलाई हुने कानुनी कारबाहीको बिषयमा सन्देश प्रवाह गरिएको हो । बिद्यार्थी मार्फत सन्देश प्रवाह गराउन बिद्यालयमा नाटक प्रर्दशन गरिएको संस्थाले जनाएको छ ।
