![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । नेपाल आदिबासी जनजाती पत्रकार महासंघ (फोनिज) म्याग्दीको अध्यक्षमा साधन राम्जाली चयन हुनुभएको छ । बेनीमा शनिबार सम्पन्न प्रथम अधिबेशनबाट राम्जालीको अध्यक्षतामा फोनिजको कार्यसमिति सर्बसम्मत चयन भएको हो ।
उपाध्यक्षमा दलप्रसाद तिलिजा, सचिबमा समिर रोका, कोषाध्यक्षमा धनिलाल गर्बुजा र सहसचिबमा मनु थापामगर चयन हुनुभएको छ । सदस्यहरुमा सुर्दशनकुमार श्रेष्ठ, दिपा बुढाथोकी, लिलकुमारी पुर्जा, थबहादुर पुन, प्रदेश प्रतिनिधीमा सुरेन गुरुङ र केन्द्रिय प्रतिनिधीमा हिरामोती जुग्जाली चयन हुनुभएको छ ।
अधिबेशनको उद्घाटन गर्दै शिक्षा बिकास तथा समन्वय इकाई म्याग्दीका प्रमुख दलबहादुर थापाले संबिधानले आदिवासी जनजातीहरुलाई दिएको अधिकार र सुबिधा प्रयोग गर्न सक्षम जनशक्ति तयार हुनुपर्ने बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
समावेशी ब्यवस्थाको उपभोग गरेर आदिवासी जनजातीहरु बिकासको मुल धारमा पुग्न अग्रसर बन्नुपर्ने बताउनुभयो । नेपाल पत्रकार महासंघ म्याग्दीका अध्यक्ष प्रकाश पौडेलले पत्रकारिताप्रति आकर्षण बढाउन, टिकाउन र क्षमता बिकासमा जोड दिनुभयो ।
प्रेस चौतारी म्याग्दीका संयोजक प्रताप बानिया र प्रेस सेन्टरका जिल्ला उपाध्यक्ष पदम बिश्वकर्माले पत्रकारिताको बिकास र प्रर्वद्धनका लागि सम्बद्ध सबै संगठनहरुको सहकार्य आवश्यकता रहेको बताउनुभयो ।
साधन राम्जालीको अध्यक्षता, समिर रोकाको सञ्चालन र मनु थापामगरको स्वागत मन्तब्यमा कार्यक्रम सम्पन्न भएको थियो ।
![](https://dhaulagirikhabar.com/wp-content/uploads/2021/12/Fonij-ko-aadhibesan.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)