![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, म्याग्दीको बेनी नगरपालिका–१ अर्जमका भिमबहादुर श्रेष्ठ हराएका ३३ दिनपछि मृत फेला परेका छन् ।
ससुरालीबाट घर फर्कने क्रममा गत कात्तिक २० गतेदेखि सम्पर्कबिहिन भएका ५३ बर्षीय श्रेष्ठको शव बेनी नगरपालिका–३ दूधेखोलाको भिरमा भेटिएको जिल्ला प्रहरी कार्यालयले जनाएको छ ।
प्रहरी निरीक्षक बिरेन्द्रराज गुरुङले भिरमा भेटिएको शव भिमबहादुरको भएको पुष्टि गर्नुभयो । ‘अप्ठ्यारो भिरमा शडेको शव देखेका स्थानीयले खबर गरेपछि प्रहरी टोली घटनास्थलमा आएका छौ,’ उहाले भन्नुभयो ‘भिरबाट शब निकालेर परिक्षणका लागि बेनी अस्पतालमा लैजाने तयारीमा छौ ।’
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
घाँस, दाउरा काट्न जंगलमा गएका स्थानीयबासीले शब देखेपछि प्रहरीलाई खबर गरेका थिए । बेनी नगरपालिका–३ डाडाखानी स्थित ससुरालीदेखि घर हिडेका श्रेष्ठ सम्पर्क बिहिन भएपछि परिवारका सदस्य, आफन्त र प्रहरीले खोजी गरेका थिए । श्रेष्ठका आफन्त कर्ण प्रधानका अनुसार उनलाई खोज्न ड्रोन क्यामेरा उडाइएको थियो ।
गत कात्तिक २२ गते बेनी नगरपालिका–३ तोराखेतको जरिबिसाउना भन्ने ठाउँमा भिमबहादुरले लगाएको टोपी भेटिएको थियो । टोपी भेटिएको ठाउँमा झार र घाँस भाचिएकाले उनलाई कसैले कुटपिट गरेर बेपत्ता बनाएको अनुमान आफन्तले गरेका छन् ।
प्रमाण र तत्थ्य जुटाएर घटनाको थप अनुसन्धान गरिने प्रहरी नायब उपरिक्षक श्यामकुमार राईले बताउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)