![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । नेपाली कांग्रेसको चौधौ महाधिबेशनमा केन्द्रिय सदस्यमा उमेद्वारी घोषण गरेका म्याग्दीका नेता रेशमबहादुर बानियाले काठमाडौमा मंगलबार सम्पर्क कार्यालय खोल्नुभएको छ ।
काठमाण्डौको बागबजारमा खोलेको सम्पर्क कार्यालयको जिल्ला सभापति खमबहादुर गर्बुजा (खम्बीर)ले उद्घाटन गर्नुभयो । यसपटक म्याग्दीले केन्द्रिय सदस्यका लागि कुनैपनि सम्झौता नगर्ने बताउनुभयो ।
‘म्याग्दीले केन्द्रीय सदस्यका लागि सबै नेताहरुसँग अनुरोध सहित सहयोगको अपेक्षा गरेको छ,’ उहाँले भन्नुभयो ‘निर्वाचनबाटै भएपनि हामीले जिल्लामा केन्द्रीय सदस्यको पद लिएर जान्छौ ।’
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
सम्पर्क कार्यालय उद्घाटन कार्यक्रममा केन्द्रीय सदस्यका उम्मेदवार बानियाँले म्याग्दी जिल्लाको साझा उम्मेदवारको रुपमा मैदानमा उत्रिएको अवस्थामा अन्य जिल्लाबाट समेत राम्रो प्रतिक्रिया आएको बताउनुभयो ।
उहाँले सातवटै प्रदेशमा गरिएको प्रचारप्रसारमा समेत महाधिवेशन प्रतिनिधिले म्याग्दीको उम्मेदवारलाई रोज्ने प्रतिबद्धता समेत जनाएको बताउनुभयो । सम्पर्क कार्यालयले नियमित भेटघाट र महाधिवेशनसँग सम्बन्धित गतिविधि गर्न सहज हुने छ ।
बानियाँ संस्थापन इतरका वरिष्ठ नेता रामचन्द्र निकट भएपनि संस्थापन पक्षका प्रतिनिधिहरुले समेत सहयोगको प्रतिबद्धता जनाएपछि सहज भएको बताउनुभयो । केन्द्रीय महाधिवेशन यही मंसिर २४,२५, र २६ गते काठमाडौंमा हुनेछ् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)