![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । बेनी नगरपालिका–५ पुलाचौरमा अपाङ्गता र जेष्ठ नागरिक परिचयपत्र बितरण तथा नबिकरण सम्बन्धी घुम्ति शिबिर सम्पन्न भएको छ ।
बेनी नगरपालिकाको महिला तथा बालबालिका शाखाले ग्रामिण क्षेत्रका नागरिकलाई वडाबाटै सुबिधा उपलब्ध गराउने उद्देश्यले शिविरको आयोजना गरेको हो ।
शाखाकी कर्मचारी दमसरा पुनले शिबिरबाट १ जना अपाङ्गता परिचयपत्र नबिकरण, २०४ वटा जेष्ठ नागरिक परिचयपत्र बितरण भएको जानकारी दिनुभयो । पहिचान भएका अपाङ्ग परिचयपत्र पाउन योग्यलाई थप प्रक्रियाका लागि बेनी अस्पतालमा आउन सिफारिस गरिएको छ ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
नगर प्रमुख हरिकुमार श्रेष्ठ, उपप्रमुख सञ्जु बरुवाल, प्रमुख प्रशासकीय अधिकृत धोलकराज ढकाल, अधिकृत युवराज थापा, प्रकाश सुबेदी लगायत सहभागी शिबिरमा चिकित्सक र कर्मचारीहरुको टोलीले सेवा दिएको थियो ।
अधिकृत युवराज थापाको संयोजकत्वमा शिबिर सञ्चालन भएको थियो । बेनी नगरपालिका ९ घतानमा पनि शिविर आयोजना गरिने कर्मचारी पुनले बताउनुभयो ।
![](https://dhaulagirikhabar.com/wp-content/uploads/2021/12/Apanga-ra-jestha-nagarik-Id-Card-2-1024x472.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)